Deputatimiz mukofotlandi!

Deputatlarimiz orasida xalq eʼtirofi va olqishiga sazovor boʻlib kelayotganlari bisyor. Xalq deputatlari Toshkent shahar Kengashi deputati Matibayev Tashpoʻlat Baltabayevichni ana shunday deputatlar sirasiga kiritish mumkin. Chunki ularning olib borayotgan ezgu faoliyati natijasida xalq uchun juda koʻplab xayrli ishlar amalga oshirilmoqda.

Yaqinda ushbu deputat “Хalqlar oʻrtasidagi doʻstlikka qoʻshgan hissasi va xalqaro faoliyatidagi alohida yutuqlari” uchun koʻkrak nishoni bilan taqdirlandi. Yillar davomida xalqlar oʻrtasidagi doʻstlikning mustahkamlanishiga hissa qoʻshgani, hatto, bunda koʻprik vazifasini oʻtagani tufayli deputatni ana shunday yuksak mukofotga munosib koʻrishdi.

“Adolat” SDP Toshkent shahar Kengashi eʼtirof etilgan yuksak mukofot bilan deputat T.B.Matibayevni samimiy muborakbod etadi! Mukofotlar bardavomligini tilaydi!

“Adolat” SDP Toshkent shahar Kengashi
matbuot xizmati