Deputatning targʻibot tadbirlari samarali kechmoqda

Oliy Majlis Qonunchilik palatasi deputati Oydin Abdullayeva Konstitutsiyaviy qonun loyihasi boʻyicha targʻibot tadbirlari olib bormoqda.

Jumladan, Bektemir tumanidagi I.M.Gubkin nomli Rossiya davlat neft va gaz universitetining Toshkent shahridagi filiali akademik litseyida “Oʻzbekiston Respublikasi Konstitutsiyasi toʻgʻrisida”gi Oʻzbekiston Respublikasi Konstitutsiyaviy qonuni loyihasini keng jamoatchilikka toʻlaqonli yetkazish va targʻibot ishlarini yuqori saviyada oʻtkazish ishlarini tashkillashtirishga bagʻishlangan yigʻilish boʻlib oʻtdi.

Yigʻilishda Xalq deputatlari tuman kengashi deputatlari, tumandagi MFY mutasaddilari, turli muassasa va tashkilot rahbarlari ishtirok etdi.

Jarayonda Oliy Majlis Qonunchilik palatasi deputati Oydin Abdullayeva tomonidan “Oʻzbekiston Respublikasi Konstitutsiyasi toʻgʻrisida”gi Oʻzbekiston Respublikasi Konstitutsiyaviy qonuni loyihasining mazmun-mohiyati va keng jamoatchilik uchun ahamiyati yuzasidan batafsil maʼlumotlar berildi. Shuningdek, xalqimizni 30-aprel kuni oʻtkazilishi kutilayotgan referendumda faol ishtirok etishga chaqirildi.