“Dunyoda muallim boʻlmasa agar, hayot ham boʻlmasdi bu qadar goʻzal”

“Adolat” SDP Romitan tuman Kengashi tomonidan tumandagi  17-son umumtaʼlim maktabidan 1-oktyabr Ustoz va murabbiylar bayrami munosabati bilan “Dunyoda muallim boʻlmasa agar, hayot ham boʻlmasdi bu qadar goʻzal” mavzusida davra suhbati tashkil qilindi.Uchrashuvda “Adolat” SDP Romitan tumani Kengashi raisi R.Hayitov, partiya faollari I.Hakimov, L.Yodgorova va yosh adolatchilar, va mazkur maktabning pedagog xodimlari ishtirok etishdi. “Adolat” SDP Romitan tumani Kengashi raisi R.Hayitov oʻzining kirish soʻzi bilan ochib, barcha oʻqituvchilarni ustoz va murabbiylarni bayram bilan muborakbod etar ekan, “Yoshlarimiz ertangi kunimiz, kelajagimiz egalari, demak ertangi kunimizni poydevorini yaratuvchilari bu ustozlardir” deya taʼkidladi. Ustoz, murabbiylarni masʼuliyatli, sharafli kasb egalari ekanligi, fidoiy oʻqituvchilarimizning erishgan yutuqlari va rivojlanib borayotgan mustaqil Oʻzbekistonimizni yanada rivojlantirish, gullab-yashnashi uchun oʻz yurtini sevadigan, ardoqlaydigan farzandlarni kamol toptirishda qoʻshgan hissalari uchun mukofotlanganlar toʻgʻrisida soʻz yuritdi.

Shuningdek, tadbirda partiyaning “ Yoshlar qanoti” raisi I.Hakimov soʻzga chiqib, oʻqituvchilarning qoʻlga kiritilayotgan yutuqlari, ularning kelajakda bajarilishi lozim boʻlgan vazifalari, bu borada ularning masʼuliyati nechogʻlik ekanligi, hozirgi kunda ularga davlatimiz, Prezidentimiz tomonidan koʻrsatilayotgan eʼtibor, oylik maoshlarning oshirilishi toʻgʻrisida oʻz fikr-mulohazalarini bayon etdi.

Tadbir soʻngida maktabida koʻp yillar oʻzining fidoiyligi bilan sharafli oʻqituvchi kasbini ardoqlab, mehnat qilib, yosh oʻqituvchilarga oʻrnak boʻlib kelayotgan murabbiylar tilga olindi va partiyaning esdalik sovgʻalari topshirildi.

Mohigul Rahimqulova,

“Adolat” SDP Buxoro viloyat Kengashi matbuot kotibi.