Erkin va adolatli jamiyat qurishda Konstitutsiyaning oʻrni

“Adolat” SDP Qarshi tuman Kengashi tomonidan Fayzobod mahallasida “Konstitutsiyaga kiritilayotgan oʻzgarishlarda inson qadrining ulugʻlanishi” mavzusida targʻibot tadbiri boʻlib oʻtdi. Unda partiya faollari bilan birgalikda keng jamoatchilik vakillari qatnashdi. Uchrashuvda yangilanayotgan Konstitutsiyaning mazmun-mohiyati haqida xalq deputatlari Qarshi tuman Kengashi deputati Shohislom Musayev maʼruza qildi.

-Prezidentimiz boshchiligida vatan ichra vatan hisoblangan mahallalar faoliyatini kengaytirish, huquqiy maqomini oshirishga juda katta eʼtibor berilyapti,-dedi Shoxislom Musayev.- Yangilanayotgan Konstitutsiyada barcha masalalar yechimi chinakam xalq ovozi boʻlgan mahalla darajasiga tushirilyapti. Fuqarolarning oʻzini oʻzi boshqarish organlari davlat hokimiyati organlari tizimiga kirmasligi mustahkam belgilab qoʻyilmoqda. Konstitutsiyamizda mazkur kafolatning belgilanishi mahallalarga oʻz hududini mustaqil boshqarish, fuqarolar manfaatlaridan kelib chiqib davlat bilan sheriklik asosida muammolarni hal etib borish, hududni ijtimoiy-iqtisodiy jihatdan rivojlantirish, samarali jamoatchilik nazoratini amalga oshirish, aholi farovonligini taʼminlashga muhim imkoniyatlarni taqdim etmoqda.

Shuningdek, tadbirda yangilanayotgan Konstitutsiyada     davlat qulay investitsiyaviy va ishbilarmonlik muhitini taʼminlanishi boʻyicha qoida mustahkamlanmoqda. Ushbu norma mamlakat iqtisodiyotiga toʻgʻridan-toʻgʻri investitsiyalarni jalb etishni ragʻbatlantirishga, investorlarning ishonchini mustahkamlashga, tadbirkorlar huquqlari va qonuniy manfaatlarini ishonchli himoya qilishni taʼminlashga xizmat qiladi. Ishbilarmonlarning qonunchilikka muvofiq har qanday faoliyatni amalga oshirishga va oʻz faoliyati yoʻnalishlarini mustaqil ravishda tanlashga haqli ekanligi belgilanmoqda. Konstitutsiyaga kiritilayotgan mazkur qoʻshimchalar erkin bozor iqtisodiyotining eng muhim talabini oʻzida ifoda etib, tadbirkorlik faoliyatini davlat tomonidan tartibga solishni asosiy mezonlarini konstitutsiyaviy darajada mustahkamlashga xizmat qiladi.

Tadbirda faollar yangilanayotgan Konstitutsiya modda va normalari xususida toʻplanganlarga batafsil tushuntirish berdilar. 30-aprel kuni boʻlib oʻtadigan referendumga faol ishtirok etishga chaqirdilar.

Targʻibot guruhi aʼzolari ishtirokchilardan tushgan savollarga javob qaytarishdi.

Yulduz Muhammadiyeva,

“Adolat” SDP Qarshi tumani Kengashi raisi.