Fuqaro murojaati boʻyicha oʻrganish olib borildi

Oʻzbekiston Respublikasi Oliy Majlis Qonunchilik palatasi deputati Oydin Abdullayeva Toshkent shahar, Bektemir tumanidagi Husayn Boyqaro mahalla fuqarolar yigʻinida istiqomat qiluvchi fuqaro murojaati boʻyicha oʻrganish olib bordi.

Fuqaro Z.Buranova koʻp yillardan beri oʻziga tegishli boʻlgan uy-joy hujjatlari, pasport maʼlumotlarining toʻgʻriligi va salomatligi bilan bogʻliq bir qator masalalarni koʻtargan edi.

Oʻrganishlar chogʻida fuqaro Z.Buranova muntazam tumanga tegishli Temir daftar hisobida turishi, “Saxovat va koʻmak” jamgʻarmasidan doimiy moliyaviy yordam olayotgani aniqlandi. Shu bilan birga, Bektemir tuman pasport va migratsiya xizmati xodimlari tomonidan uning pasport va uy-joy hujjatlari bilan bogʻliq masalalarda bir necha marta yordam koʻrsatilgani maʼlum boʻldi.

Fuqaro Z.Buranovaning uyida u bilan boʻlgan suhbat chogʻida murojaatda koʻrsatilgan salomatligi bilan bogʻliq masala yuzasidan tegishli tashkilotlar bilan oʻrganish olib borilishi hamda natijasi toʻgʻrisida fuqaroga maʼlumot berilishi tushuntirildi.