Fuqaroni qiynab kelayotgan muammoga deputat yechim topdi

Mamlakatimiz Prezidenti rahnamoligida xotin-qizlarni har tomonlama qoʻllab-quvvatlash, ayniqsa, “ Tibbiy ijtimoiy himoyaga muhtoj” ayollarni davolanishlari uchun keng imkoniyatlar yaratishga alohida eʼtibor berilyapti. Davlatimiz rahbarining mahalladay ishlash tizimini amaliyotga joriy etish toʻgʻrisidagi tashabbusi bu borada qoʻl kelayotir.

Zuhra Baratova Qarshi shahridagi Mahallot mahallasi Oʻrikzor koʻchasi 16 uyda istiqomat qiladi. U 2022 yilning aprel oyidan buyon oʻng sut bezi saratoni xastaligi bilan kasallanib davolanib keladi. Keyingi kunlarda saraton kasalligi yanada kuchli xuruj qilib, Zuhra Baratovani juda qiyin ahvolga solib qoʻydi. Shundan soʻng u joriy yilning 12 iyul sanasida xalq deputatlari Qashqadaryo viloyat Kengashi, Oʻzbekiston “Adolat” SDP deputatlik guruhi rahbari Ruiddin Raupovga yordam soʻrab murojaat qildi.

Deputat murojaatchini qiynab kelayotgan muammoni ijobiy hal etib berish maqsadida “Saxovat va koʻmak” jamgʻarmasi raisi nomiga deputatlik soʻrovi yubordi. Shunga asosan jamgʻarma hisobidan Zuhra Baratovaga davolanishi uchun 10 million soʻm mablagʻ ajratiladigan boʻldi.

        Akmal Hayitov,

                                                  Partiya faoli.