Gʻurur va ilhom manbai

Mustaqillik yillarida “Inson manfaatlari hamma narsadan ustun” degan tamoyil asosida xalqimiz hayotini tubdan yaxshilash boʻyicha keng qamrovli ishlar amalga oshirildi. Aholi farovonligini oshirish va ijtimoiy himoyasini kuchaytirishga ham katta eʼtibor qaratib kelinmoqda.

Bugun Oʻzbekiston “Adolat” SDP viloyat va Kasbi tuman Kengashi tomonidan tibbiyot birlashmasi tadbirgohida “Yangi hayot uchun, Yangi Oʻzbekiston uchun” shiori ostida “Eng ulugʻ, eng aziz” mavzusida madaniy-maʼrifiy tadbir tashkil etildi. Unda partiya faollari, sogʻliqni saqlash sohasi xodimlari, keng jamoatchilik vakillari qatnashdi. Tadbirda xalq deputatlari viloyat Kengashi deputati Abduqaxxor Axmedov maʼruza qildi.

-Barcha yutuqlarimizning asosiy omili xalqimizning ilhom manbai mustaqillikdir,-dedi Abduqaxxor Axmedov.-Istiqlol tufayli mamlakatimizda juda katta oʻzgarishlar yuz berdi. Buni davlatimiz rahbari mamlakatimiz mustaqilligining 32 yilligiga bagʻishlangan tantanali marosimda ham eʼtirof etdilar. Shu bilan birga Prezidentimiz ijtimoiy, iqtisodiy, madaniy, maʼnaviy hamda boshqa sohalardagi rivojlanishga faqatgina bilim. ilm-fanni mustahkam egallabgina erishish mumkinligini alohida taʼkidladilar.

-Birgina bizning viloyatimizda ham taʼlim sohasini isloh qilishga juda katta eʼtibor qaratilyapti,-dedi xalq deputatlari Kasbi tuman Kengashi deputati Abbos Hasanov.-Mustaqilligimizning 32 yilligi munosabati bilan 50 dan ortiq maktablar kapital, 200ga yaqin umumtaʼlim maktablari esa joriy taʼmirlandi. Oʻndan ortiq maktabgacha taʼlim muassasalari ishga tushirildi.   Oʻgʻil-qizlarimiz oʻqib taʼlim tarbiya olayotgan muassasalar zamonaviy oʻquv qurollari bilan jihozlandi.

Tadbirda 8-sonli oilaviy poliklinika mudiri Dilafruz Nabiyeva, 11-sonli umumtaʼlim maktabi direktori Sayyora Yusupova va boshqalar ham soʻzga chiqib, yurtimizda amalga oshirilayotgan islohotlar, Yangi Oʻzbekistonni barpo etish uchun olib borilayotgan qutlugʻ maqsadlar xususida toʻxtalib oʻtdilar.

                                                        Zuhriddin Abdiyev,

“Adolat” SDP Kasbi tuman Kengashi raisi.