Har bir murojaat ijobiy yechim topmoqda

“Adolat” SDP Bogʻot tuman Kengashi deputatlik guruhi aʼzolarining saʼy-harakatlari bilan, saylovchilarni koʻpdan qiynab kelayotgan muammolar hamjihatlikda bartaraf etishga erishilmoqda. Deputatlik guruhi rahbari Q.Rahimovni tomonidan “Nurafshon” shaharchasida joylashgan “Ezgulik” koʻchasi hududiga bir necha yillar oldin oʻrnatilgan elektr simyogʻochning eskirib, foydalanish talablariga javob bermaydigan, halokat yoqasiga kelib qolgani, bundan esa mahalla aholisi, yoʻlovchilar qattiq xavotirga tushayotgani toʻgʻrisida bayoni eʼtiborga olindi va muammo ijobiy hal etildi.    

Tumandagi “Nurafshon” shaharchasi “Nurdiyor” koʻchasida 1 km uzunlikdagi yoʻl taʼmirtalab ahvolga kelib qolganligi sababli deputatlik guruhi rahbarining aralashuvi bilan asfalt yotqizish ishlari jadal surʼatlar bilan amalga oshirildi.

Deputatlik guruhi aʼzosi Qadamboy Xoʻjaqov koʻmagi bilan 1-guruh nogironi Sanʼat Jumaniyozovning murojaati qanoatlantirilib, charm tikish mashinasi olishi uchun 3,5 mln soʻm mablagʻ ajratilishiga erishildi.

Deputatlik guruhi aʼzosi   Otajon Matniyozov yoshlarni har tomonlama qoʻllab- quvvatlash, ijtimoiy faolligini oshirish, jamiyatda oʻz oʻrnini topishlari uchun ularning qiziqish va istaklariga qarab amaliy yordam berish maqsadida “Navbahor” mahallasida uchrashuv oʻtkazdi.

Uchrashuvda “Navbahor” MFYdan 7 nafar, “Yuksalish” MFYdan 2 nafar yoshlar tuman Kengashi deputati O. Matniyozovga oʻzlarining eng dolzarb murojaati va takliflarini bildirdilar.

Murojaatchi yoshlardan Mahfuza Safarovaning tikuv mashina soʻrab qilgan murojaati shu joyning oʻzida hal boʻldi. Uchrashuvda yoshlar tomonidan bildirilgan bandlik, kredit va boshqa masalalar yuzasidan qilgan bir qator murojaatlar oʻz yechimini topdi.

“Nayman” mahallasidagi yoʻlning yaroqsiz holatga kelib qolganligi toʻgʻrisidagi deputat Shermat Matchanovning tegishli tashkilotlarga qilgan murojaati eʼtiborga olindi va yoʻlning 2 km uzunligiga “щpes” tosh yotqizildi.

“A.R.Beruniy” mahallasida yashovchi Qunduz Rozzoqovaning yashash sharoitidagi muammolar yuzasidan qilgan murojaatiga asosan, deputatlik guruhi aʼzolaridan Maysara Xudayberganova va Otajon Matniyozov murojaatchi bilan suhbatlashdi va yashash sharoiti oʻrganildi. Oʻrganish natijasida Qunduz Rozzoqova turmush oʻrtogʻidan ajrashgani, yashashga uyi yoʻqligi sabab, 1 nafar voyaga yetgan qizi bilan ijarada yashayotganligi aniqlandi. Murojaatchining moddiy tomondan qiyinchiliklarga duch kelayotgani va boshqa muammolari yuzasidan tegishli tashkilot rahbarlariga murojaat qilinib oʻz vaqtida hal etildi.

Shuningdek, deputatlarning saʼy harakati bilan “Oq tepa” mahallasi A.Navoiy nomli koʻcha 2-uy 18-xonadonda yashovchi 1-guruh nogironi, “Temir daftar” roʻyxatida turuvchi Goʻzal Roʻzibayevaning murojaati ham ijobiy yechim topdi. G.Roʻzibayevaga 2023-yil “Saxovat va koʻmak” jamgʻarmasi hisobidan davolanishi uchun 12 mln soʻm miqdorida moddiy yordam koʻrsatildi va uyiga 2,5 mln soʻmli temir eshik oʻrnatib berildi.

“Nurli maskan” mahallasida yashovchi Jumamurod Ibragimovning davolanishi uchun mablagʻdan qiynalayotgani toʻgʻrisidagi bayoni ham deputatlik guruhi tomonidan eʼtiborga olindi va 1 mln 300 ming soʻmlik dori darmon yetkazib berildi.

Bir soʻz bilan aytganda, bogʻotlik deputatlarimizning saylovchilari oldidagi burch va masʼuliyatlari natijasini bir qancha misollar bilan ifodalash mumkin. Bu saʼy harakatlar oʻz navbatida fuqarolarning yashash sharoitini yuqori bosqichlarga koʻtarishda ahamiyati kattadir.

                                                                                              Zamira Abdullayeva,

                                  “Adolat” SDP   Xorazm viloyat Kengashi matbuot kotibi.