Hech bir baliq uchishga, hech bir qush suzishga majbur emas...

Mamlakatimizda jamiyat hayotining barcha jabhalarida inson qadr-qimmatini oshirish borasida tub o‘zgarishlar amalga oshirilmoqda. Ayniqsa, taʼlim sohasida ulkan islohotlar olib borilib, taʼlimning barcha bo‘g‘inlarida sifat ustuvorligi tamoyili yo‘lga qo‘yildi. Taʼlim olish insoniyatni kamolotga yetaklaydi. Shu maʼnoda taʼlim taraqqiyotning harakatlantiruvchi kuchi hisoblanadi.

O‘zbekiston Respublikasi Prezidenti Shavkat Mirziyoyev raisligida  maktablarda taʼlim sifatini yana-da oshirish, o‘quvchi o‘rnini ko‘paytirish hamda o‘qituvchilar malakasini oshirish va ularga munosib sharoit yaratish masalalariga bag‘ishlab o‘tkazilgan videoselektor majlisida maktab taʼlimini rivojlantirish buyuk umummilliy maqsadga, umumxalq harakatiga aylanishi zarurligi taʼkidlandi. O‘quvchilarni o‘z istaklariga ko‘ra chuqurlashtirilgan fanlar o‘tilishini yo‘lga qo‘yish, ustozlarga hurmat-ehtirom ko‘rsatish – jamiyatimizda oliy qadriyat darajasiga ko‘tarilishi lozimligi belgilandi.

Yig‘ilish davomida oliygohga kirishga ishtiyoqi bor bo‘lgan 10-11 sinf o‘quvchilariga o‘zlarining qiziqishlaridan kelib chiqib, “kimyo – biologiya”, “matematika – fizika”, “matematika – chet tili”, “ona tili va adabiyot – chet tili” fanlari ularning tanlovi asosida chuqurlashtirib o‘qitilishi belgilandi.

Quvonarlisi, endi farzandlarini “repetitor”ga qo‘yishga imkoniyati bo‘lmagan ota-onalar ham xavotir olishmasa ham bo‘ladi, chunki, o‘quvchilarga qiziqqan yo‘nalishlari bo‘yicha chuqurlashtirilgan fanlar o‘tiladi. Bepul tarzda oliy taʼlimga tayyorgarlik ko‘rish imkoniyati yaratiladi. Buning natijasida o‘quvchi yoshlarning vaqti ham tejaladi. Eng asosiysi kasb-hunar egallab, o‘zi qiziqqan hunarining ustasi bo‘ilsh uchun ham endi makutablarda sharoit yaratiladi. O‘quvchilarga maktabning o‘zida tayyor mutaxassis bo‘lib yetishib chiqish imkoniyatiga ega bo‘lishadi.

Internet manbalariga ko‘ra, Usmonli turk maktablarida har bir bola o‘z qiziqish va isteʼdodiga ko‘ra o‘qitilar, shunga ko‘ra tarbiyalanar ekan. Yaʼni hamma o‘quvchilarga bir xil dars berilmas va maktablar devoriga quyidagi bitiklar yozib qo‘yilgan ekan: “Bu yerda hech bir baliq uchishga, hech bir qush- suzishga majburlanmaydi.” Bu nimani anglatadi?! Demakki, qaysidir o‘quvchining iqtidori matematikada, qaysinikidir kimyoda u tilni tushunmaydi, kimdir teskarisi! Bog‘ yarataman degan odam tuproqning holatiga qaraydi.

Ushbu yig‘ilishda belgilangan ustuvor vazifalarni amaliyotga tadbiq etilishi jamiyatda o‘z kasbining mohir ustasi, egasi bo‘lgan mutaxassislarni yetishib chiqishiga, mamlakatimiz taraqqiyoti, rivojini yana-da jadallashishiga, Vatanimizni tez fursatlarda ravojlangan davlatlar qatorida bo‘lishiga xizmat qilishi shubhasiz.

Lola Sayidova,

O‘zbekiston “Adolat” Samarqand viloyat Kengashi raisi o‘rinbosari