Ilm-fan, innovatsiyalar va taʼlim sohasining barqaror rivoji – taraqqiyotimiz kafolati – Robaxon Maxmudova

Bugun Chirchiq oliy tank qoʻmondonlik-muhandislik bilim yurti Madaniyat markazida “Adolat” sotsial-demokratik partiyasi tomonidan Prezidentlikka nomzod sifatida koʻrsatilgan Robaxon Maxmudovaning Toshkent viloyatdagi ishonchli vakili Gulnora Axmedovaning saylovchilar bilan uchrashuvi boʻlib oʻtdi.

Unda shahar va viloyat kengashi deputatlari, partiya faollari, davlat va jamoatchilik vakillari va OAV vakillari ishtirok etishdi.

Shuningdek, tadbir davomida Prezidentlikka nomzod Robaxon Maxmudovaning ishonchli vakili Gulnora Axmedova tomonidan yigʻilganlarga nomzodning tarjimai holi va saylovoldi dasturi haqida ishtirokchilarga batafsil maʼlumot berdi.

Taʼkidlanganidek, dasturda huquqiy davlat qurish, ijtimoiy adolatni qaror toptirish, milliy iqtisodiyot, ilm fan, innovatsiyalar va taʼlim sohasining barqaror oʻsishiga erishish, aholi salomatligini har tomonlama muhofaza qilish, fuqarolik jamiyatini rivojlantirish, atrof-muhitni asrash, xotin-qizlar va yoshlarning siyosiy faolligini oshirish kabi ustuvor vazifalar ilgari surilmoqda.

“Adolat”SDP

Toshkent viloyati kengashi Matbuot xizmati.