Ishonchli vakil qo’rg’ontepalik saylovchilar bilan uchrashdi

“Adolat” SDPdan Oʻzbekiston Respublikasi Prezidentligiga nomzod Robaxon Maxmudovaning Andijon viloyatidagi ishonchli vakili Maloxatxon Musayeva Qoʻrgʻontepa tumanida saylovchilar bilan uchrashdi.

Uchrashuv davomida Ishonchli vakil nomzodning Saylovoldi dasturida inson, uning huquqlari, erkinliklari va qonuniy manfaatlari davlat va jamiyatning eng yuksak qadriyatlari ekanligi tan olinib, jamiyat va davlat hayotining barcha jabhalarida har bir insonning farovon hayot kechirishi uchun zarur shart-sharoitlar yaratish, ijtimoiy adolat va qonun ustuvorligini taʼminlash, mamlakatimizni erkinlik, adolatlilik, birdamlik, ijtimoiy himoya va masʼuliyat tamoyillari hukmronlik qiladigan, aholining yuqori turmush darajasiga ega rivojlangan davlatlar qatoriga qoʻshilishiga erishish kabi ustuvor masalalar oʻrin olganligini alohida taʼkidlab oʻtdi.

Nomzodning tarjimai holi va saylovoldi dasturi bilan yaqindan tanishgan yosh saylovchilar siyosiy jarayonda faol ishtirok etishlarini bildirdilar.

“Adolat” SDP

Andijon viloyat kengashi Matbuot xizmati.