Islohatlar inson qadri uchun

Xalq vakillarimiz sanalgan deputatlar muntazzam o‘z saylov uchastkalaridagi mahalla fuqarolar yig‘inida bo‘lib, muammo va kamchiliklarni o‘rganib, ularni ijobiy hal etishda faollik ko‘rsatib kelayotgani quvonarli. Eʼtiborlisi, deputatlar “mahallabay” va “xonadonbay” ishlash tizimida samarali natijalarga erishyapti. Xususan, aholi muammolarini o‘rganib, ularga yechim topishda “Adolat” SDP Urgut tuman Kengashi deputatlari ham jonbozlik ko‘rsatib, xalq bildirgan ishonchni oqlab kelmoqda.

Xususan, Xalq deputatlari Urgut tuman Kengashi deputatlari hamda tuman partiya tashkiloti hamkorligida “mahallabay” va “xonadonbay” ishlash tizimi faoliyatining asosiy mezoniga aylanib ulgurdi.

Kuni kecha ham ushbu faollardan iborat ishchi guruh “Muammo bilan yuzma-yuz” loyihasi doirasida tumandagi “Boyqishloq” hamda “G‘us” mahallalarda fuqarolar bilan uchrashib muammo va takliflarini o‘rgandi. Mahallalar bo‘ylab amalga oshirilayotgan ishlar bilan yaqindan tanishib, fuqarolar bilan birma-bir suhbatlar o‘tkazildi. “Temir daftar”, “Yoshlar” va “Ayollar daftari”ga kiritilgan fuqarolar bilan ishlash, kambag‘allikni qisqatirish bo‘yicha MFYda amalga oshirilayotgan ishlar o‘rganib chiqildi. Mahalla fuqarolari tomonidan ish bilan bandlik masalasida, ichki yo‘llarni asfaltlashtirish bog‘liq muammolar yuzasidan murojaatlar kelib tushdi. Murojaatlar asosida deputatlar tomonidan tegnishli tashkilotlarga deputatlik so‘rovlari chiqarish rejalashtirildi.

Shu bilan bir qatorda mahalada istiqomat qiluvchi kam taʼminlangan, nogironligi bo‘lgan xonadonlarga tashrif buyurgan partiya faollari hamda deputatlari tomonidan ushbu oilalarga oziq - ovqat masʼhulotlari ham topshirildi.

Asqar Xoliqov,

O‘zbekiston “Adolat” Samarqand viloyat Kengashi raisi o‘rinbosari