“Jaholatga qarshi maʼrifat” mavzusida tadbir tashkil etildi

“Jaholatga qarshi maʼrifat” mavzusida tadbir tashkil etildi.Jizzax viloyati Gʻallaorol tumanidagi 17 va 63 umumtaʼlim maktablarida   “Adolat” SDP Jizzax viloyat Kengashi bilan hamkorlikda “Jaholatga qarshi maʼrifat” mavzusida tadbir tashkil etildi. “Adolat” SDP Jizzax viloyat Kengashi rais oʻrinbosari Poʻlat Xamzayev, umumtaʼlim maktabi yuqori sinf oʻquvchilari va oʻqituvchilar hamda ota-onalar ishtirok etgan mazkur tadbirda “Mamlakatimizda olib borilayotgan ijtimoiy – iqtisodiy, diniy sohadagi islohotlar, yoshlarni bilim olib, maʼnaviy kamolotga erishishlari muhim davr talabi”, Islom dinining insonparvarlik, tinchlik va doʻstlik kabi olijanob maqsadlari va Internet va ijtimoiy tarmoqlarda orqali tarqalayotgan mafkuraviy xatarlar va ularni oldini olish masalalari mavzularida maʼruzalar qilindi. Bugungi globallashuv davrida turli mafkuraviy tahdidlarni oldini olish va ularga qarshi kurashish masalalari boʻyicha soʻz yuritilib, ushbu jarayonlarda fikrga qarshi fikr, gʻoyaga qarshi gʻoya, jaholatga qarshi maʼrifat bilan kurashish har qachongidan ham muhimligi borasidagi fikrlarga alohida toʻxtalib oʻtildi.

Shuningdek, bugungi globallashuv davrida turli mafkuraviy tahdidlarni oldini olish va ularga qarshi kurashish masalalari boʻyicha soʻz yuritilib, ushbu jarayonlarda jaholatga qarshi maʼrifat bilan kurashish muhimligi taʼkidlandi.Tadbir yakunida yoshlar tomonidan berilgan savollarga soha mutaxassislari atroflicha javob berishdi.

 “Adolat”SDP Jizzax viloyat Kengashi,Matbuot xizmati.