Jamiyatda huquqiy madaniyatni shakllantirishda siyosiy partiyalarning oʻrni

Jamiyatda huquqiy ong huquqiy madaniyatni yuksaltirib borish qonun ustuvorligini taʼminlash va qonuniylikni mustahkamlashning yeng muhim shartlaridan biri hisoblanadi. Soʻnggi yillarda milliy huquq tizimini tubdan isloh qilish, jamiyatda huquqiy madaniyatni shakllantirish hamda malakali yuridik kadrlarni tayyorlash borasida sezilarli ishlar amalga oshirildi. Shu bilan birga, inson huquq va erkinliklariga hurmat munosabatini shakllantirishga, aholining huquqiy ongi va huquqiy madaniyatini yuksaltirishga, jamiyatda fuqarolarning huquqiy savodxonlik darajasini oshirishga toʻsqinlik qiluvchi bir qator muammo va kamchiliklar saqlanib qolinmoqda. Jamiyatning har bir aʼzosi oʻz huquq va burchlarini hamda masʼuliyatini puxta bilishi, buni hayotiy ehtiyoj sifatida anglamogʻi lozim. Fuqarolarimizning dunyoqarashi, tafakkuri mamlakat hayotiga, yangilanishlarga mos ravishda oʻzgarib borishi huquqiy madaniyat tushunchasi bilan chambarchas bogʻliqdir.

Oʻzbekiston “Adolat” SDP tomonidan fuqarolarning huquqiy ong va huquqiy madaniyatini yanada yuksaltirish, yoshlarning huquq sohasiga boʻlgan qiziqishlarini oshirish, ularni huquqiy savodxonlik jihatdan yetuk, barkamol avlod qilib tarbiyalash maqsadida oʻtkazib kelinayotgan “Jamiyatda huquqiy madaniyatni shakllantirishda siyosiy partiyalarning oʻrni” mavzusida “Adolat” SDP Buxoro shahar Kengashi raisi Abdurauf Ahmedov tomonidan Buxoro shahridagi 23-IDUMda oʻquvchi yoshlar oʻrtasida tashkil qilindi.

Shundan kelib chiqib, hozirgi globallashuv, ilmiy-texnik taraqqiyot davrida aholining huquqiy ongi va huquqiy madaniyatini yuksaltirishning innovatsion usullaridan, targʻibotning ilgʻor va taʼsirchan vositalaridan foydalanish dolzarb ahamiyat kasb etadi.

Xulosa qilib aytganda, jamiyatda huquqiy ong va huquqiy madaniyatni yuksaltirish borasidagi muhim yoʻnalish va vazifalarni oʻz vaqtida amalga oshirish biz, partiya xodimlari va deputatlardan masʼuliyat va fidoyilikni talab etadi. Zero, davlatimiz rahbari taʼkidlaganidek, “Qonun ustuvorligi va inson manfaatlarini taʼminlash — yurt taraqqiyoti va xalq farovonligining garovidir”.

Uchrashuv soʻngida “Tashabbusli budjyet” loyihasi doirasida barpo etilgan yangi, zamonaviy futbol maydoni foydalanishga topshirildi. Shu kuni “Yashil makon” umummilliy loyiha Xalq deputatlari Buxoro viloyat Kengashi deputati Gulchehra Ravshanova boshchiligida daraxt koʻchatlari oʻtqazildi.

Sanjar Maydonov,

“Adolat” SDP Buxoro viloyat Kengashi raisi oʻrinbosari,

Oliy Majlis Qonunchilik palatasi huzuridagi “Yoshlar Parlamenti” aʼzosi.