Kasalliklarni davolashda dorivor oʻsimliklardan foydalanish samaradorligi oshiriladi

Maʼlumki, mamlakatimizda aholi salomatligi yoʻlida olib borilayotgan saʼy harakatlar izchillik bilan olib borilmoqda.

Shu oʻrinda, dorivor oʻsimliklarni madaniy holda yetishtirish va qayta ishlash hamda davolashda ulardan keng foydalanishni tashkil etish chora tadbirlarining amalga oshirilayotgani   xalqimiz salomatligi yoʻlidagi ulkan qadamlar hisoblanadi..

Xususan, “Adolat” sotsial-demokratik partiyasi Gurlan tuman Kengashi hamda Xalq deputatlari Gurlan tuman Kengashi hamkorligida “Dorivor oʻsimliklarning inson salomatligidagi oʻrni” mavzusida davra suhbati tashkil etildi.

Tadbirga partiya faollari, deputatlari, qishloq xoʻjalik vakillari, tuman hokimligi hamda boshqa siyosiy partiyalardan deputatlar ishtirok etishdi.

Tadbirda soʻzga chiqqanlar tomonidan davra suhbatidan koʻzlangan maqsad Oʻzbekiston Respublikasi Prezidentining “Dorivor oʻsimliklarni madaniy holda yetishtirish va qayta ishlash hamda davolashda ulardan keng foydalanishni tashkil etish chora-tadbirlari toʻgʻrisida” gi Qarori ijrosini taʼminlashdan iborat boʻldi.

Tadbirda soʻzga chiqqanlar tomonidan vohada dorivor oʻsimliklarni turlarini koʻpaytirish va qayta ishlash orqali kasalliklarning oldini olish va davolashda dorivor oʻsimliklarni keng qoʻllash boʻyicha hamkorlar bilan birga oʻrganishlar olib borish va natijasini muhokama etib, tegishli hujjatlar asosida amaliyotga yoʻnaltirishga koʻmaklashish toʻgʻrisida fikr va mulohazalar almashildi.

Bir soʻz bilan aytganda, olib borilayotgan bu kabi saʼy harakatlar aholi salomatligi uchun dorivor oʻsimliklardan foydalanish samaradorligining oshishiga xizmat qiladi.

                                                                                                          Xadicha Sobirova,

                                “Adolat” SDP Gurlan tuman Kengashi raisi.