Kogon shahridagi faol yoshlari bilan “Deputat va yoshlar” uchrashuvi boʻlib oʻtdi

Uchrashuvda “Adolat” SDP Kogon shahar Kengashi raisi Zarnigor Tosheva, xalq deputatlari Kogon shahar Kengashi deputati Xurshida Karimova, va shaharning faol yoshlar ishtirok etdi.

Deputat oʻz soʻzida mamlakatimizda yangi Oʻzbekistonni barpo etishdek ulugʻ maqsadga erishish yoʻlida yoshlarga eʼtibor va gʻamxoʻrlik koʻrsatish, ularga barcha sohalarda oʻz iqtidori va salohiyatini toʻliq namoyon etishi uchun zarur sharoit va imkoniyatlar yaratish borasida keng koʻlamli ishlar amalga oshirilayotganini taʼkidladi.

Uchrashuvda mamlakatimizda yoshlarga yaratilayotgan imkoniyatlar, yurtimizda qabul qilinayotgan normativ-huquqiy hujjatlar, jumladan, yoshlarga doir qonunlarning mazmun-mohiyati tushuntirildi.

Soʻz olganlar Prezidentimizning yoshlarga oid siyosatida ikkita eng muhim yoʻnalish borligini, birinchisi ularga zamonaviy bilim berish boʻlsa, ikkinchisi yoshlar bandligini taʼminlash ekanligini taʼkidlab, keyingi yillardagi islohotlar, tashabbus va yangi tizimlar zamirida ana shu maqsad mujassamligini qayd etdi.

Yakunda yoshlar oʻzlarini qiziqtirgan savollariga deputatlardan atroflicha javob olishdi.

Mohigul Rahimqulova,

“Adolat” SDP Buxoro viloyat Kengashi matbuot kotibi.