Konstitutsiya – mening huquqlarim qalqoni!

Xabaringiz bor, partiyamizning barcha shahar va tuman kengashlari tomonidan 30-aprel kuni oʻtkaziladigan umumxalq referendumi oldidan aholi orasida targʻibot va tashviqot ishlari oʻtkazilmoqda.

Ana shunday targʻibot tadbirlarning biri Oʻzbekiston “Adolat” SDP Qoraqalpogʻiston Respublikasi Kengashi tomonidan Nukus shahridagi “Istiqlol” bolalar dam olish maskanida “Konstitutsiya – mening huquqlarim qalqoni!” shiori ostida oʻtkazildi.

Tadbir davomida partiyamizning yosh volontyorlari ishtirokida dam olish maskaniga kelgan fuqarolar uchun koʻngil ochar oʻyinlar tashkil etilib, 30-aprel kuni oʻtkaziladigan referendumda barchani faol ishtirok etishga chaqirib qolindi.

Taʼkidlash joizki, bugungi tadbir davomida yangilanayotgan Konstitutsiya loyihasidan yoshlarimiz qanchalik xabardor ekanligini aniqlash maqsadida berilgan savollarga ularning fikr va mulohazalar eshitib, yurtdoshlarimiz bugungi islohotlarga hamda siyosiy jarayonlarga befarq emasligini angladik.

Shundan soʻng, bugungi tadbir yoshlar ijrosidagi bahoriy kuy-qoʻshiq va raqslarga ulanib, barchaga bayramona kayfiyat ulashdi.

Oʻzbekiston “Adolat” SDP
Qoraqalpogʻiston Respublikasi
Kengashi matbuot xizmati