Konstitutsiya o'zimizniki

Samarqand tumani “Rustam” mahallasidagi 1-son bolalar o‘smirlar sport maktabi o‘yingohida “Inson qadri ulug‘langan yurt” degan ezgu g‘oya ostida Yangi O‘zbekistonning yangilanayotgan Konstitutsiyasiga bag‘ishlab ma’naviy-ma’rifiy targ‘ibot tadbiri bo‘lib o‘tdi.

Targ‘ibot tadbirida nuroniylar, yoshlar hamda keng aholi vakillari ishtirok etishdi. Tadbir davomida mehnat faxriylari, iqtidorli yoshlar hamda turli soha vakillari Bosh qomusimizga kiritilayotgan o‘zgartishlarning mazmun-mohiyati, har bir soha rivojiga doir muhim jihatlar xususida so‘z yuritishdi. Asosiy Qonunimiz mamlakatimizda yangi hayot, yangi jamiyat barpo etish yo‘lida qo‘lga kiritilayotgan barcha yutuq va marralarimizning xuquqiy poydevori – kelajagimizning ishonchli kafolati ekanligi ta’kidlandi.

Tadbir davomida elimiz suygan san’atkor, xushovoz xonanda Ravshan Sobirov, Mardon Mavlonov hamda samarqandlik xonandalar tomonidan konsert dasturlari namoyish etildi.

Sanobar Mirsaidova,

Xalq deputatlari Samarqand viloyat Kengashi deputati.