Konstitutsiya-yoshlar nigohida

Ayni kunlarda “Adolat” sotsial-demokratik partiyasining “Vatan kelajagi yoshlar qoʻlida” loyihasi doirasida “Konstitutsiya bilimdoni” koʻrik-tanlovining tuman bosqichi oʻtkazilmoqda

Jumladan, Oʻzbekiston “Adolat” SDP Denov tuman Kengashi tomonidan tumandagi Abu Ali ibn Sino nomidagi salomatlik texnikumida “Konstitutsiya bilimdoni” koʻrik-tanlovining tuman bosqichi oʻtkazildi. Unda texnikum talabalari va tuman umumtaʼlim maktablaridan bilimdon yoshlar oʻzaro bellashdilar. Yangi tahrirdagi Oʻzbekiston Respublikasi Konstitutsiyasiga bagʻishlab oʻtkazilgan mazkur tanlovdan koʻzlangan maqsad Bosh qomusimizning mazmun-mohiyatini keng targʻib etish orqali yoshlarning siyosiy-huquqiy bilimini oshirish, ijtimoiy-siyosiy jarayonlarda faolligini taʼminlashdan iboratdir.

Tanlovning tanishtiruv, savol-javob, erkin mavzu shartlarida ishtirokchilar Konstitutsiyamizning hayotimizdagi oʻrni va ahamiyatiga doir bilim va tushunchalarini sinovdan oʻtkazdi.

Gulchehra Shoimova, Xalq deputatlari Denov tuman Kengashi deputati:

-Ishtirokchilar oʻzlarini tanishtirish, savol-javob va “Partiya mening nigohimda” deb nomlangan 3 ta shart boʻyicha oʻz iqtidor va bilimini namoyish etdi. Hakamlar hayʼati tomonidan ularning Oʻzbekiston Respublikasi Konstitutsiyasi, “Saylov kodeksi” hamda siyosiy partiyalar toʻgʻrisidagi bilimiga, sahna madaniyatiga amal qilishi hamda notiqlik mahoratiga alohida eʼtibor qaratildi. Koʻrik-tanlov shartlarida yoshlarning yangi tahrirdagi Oʻzbekiston Respublikasi Konstitutsiyasini qay darajada yod bilishi, unda belgilangan moddalar mazmunini tushunishiga alohida eʼtibor qaratildi. Shuningdek, tashabbuskorlik, maʼnaviy immunitet mustahkamligi, huquqiy savodxonlik, umumbashariy, milliy va ijtimoiy qadriyatlarni yaxshi oʻzlashtirganlik, notiqlik qobiliyati kabi jihatlar ham diqqat markazida boʻldi.

 Mazkur tanlovda tumandagi Denov Abu Ali Ibn Sino nomidagi salomatlik texnikumi 2- bosqich talabasi Sabrina Hamroyeva 1- oʻrinni qoʻlga kiritdi va viloyat bosqichiga yoʻl oldi.

Koʻrik-tanlovda faol ishtirok etganlar partiyaning diplom va esdalik sovgʻalari bilan taqdirlandi.

Mashrab Anorov,

 “Adolat” SDP Denov tuman “Yosh adolatchilar qanoti” Kengashi faoli.