Kun mavzusi: Bolalarni zoʻravonlikdan saqlaymiz

Bugunning eng katta illatlaridan biri, bolalarga qaratilayotgan zoʻravonlikdir. Unga qarshi turish hammamizning burchimiz hisoblanadi.

Oʻzbekiston “Adolat” SDP Izboskan tuman Kengashi tomonidan 6-son Bolalar musiqa va sanʼat maktabida tuman IIB, tuman maktabgacha va maktab taʼlimi boʻlimi bilan hamkorlikda umumtaʼlim maktablarining ruhshunoslari va jamoatchilik vakillari ishtirokida “Bolalarni zoʻravonliklarning barcha shakllaridan himoya qilish toʻgʻrisida”gi qonun loyihasi muhokamasiga bagʻishlab oʻtkazilgan davra suhbatida bu oʻz ifodasini topdi.

Tadbirda “Adolat” SDP tuman kengashi raisi D.Ahmedova, tuman IIB xodimi, katta leytenant M.Qurbonova, tuman maktabgacha va maktab taʼlimi boʻlimi xodimi M.Odilovalar qonun loyihasi yuzasidan tushuncha berdi. Unda belgilangan vazifalar va bolalarni har qanday zoʻravonliklardan saqlash qonun asosida amalga oshirilishi koʻrsatib oʻtildi.

Tadbir yakunida ishtirokchilarni qiziqtirgan savollariga javob berildi. Jamoatchilik orasida qonun loyihasi targʻibotini olib borishga qaror qilindi.

“Adolat” SDP Andijon viloyati kengashi

Matbuot xizmati.