Kuzatuvchi — masʼuliyat demak

30-aprel kuni respublikamizda boʻlib oʻtadigan referendumni demokratiyaning yorqin ifodasi deb aytish mumkin. Siyosiy voqelikning shaffof va ochiqlik asosida oʻtishi uchun qonuniy asoslar ham, tayyorgarlik ham yetarli. Bu borada referendum oʻtkaziladigan uchastkalarda kuzatuvchi institutining hozir boʻlishi yanada maqsadli.

Yuqoridagilardan kelib chiqib, “Adolat” SDP Andijon viloyat kengashi tomonidan Marhamat tumanidagi 2-son kasb-hunar maktabida kuzatuvchilar uchun oʻquv-seminar tashkil etildi. Unda partiya viloyat kengashi rais oʻrinbosarlari M.Musayeva va Q.Qayumov, xalq deputatlari Marhamat tuman kengashi deputati A.Qorayevlar kuzatuvchi zimmasidagi masʼuliyat borasida atroflicha tushuncha berdilar. Yangilanayotgan Konstitutsiya kelajagimiz kafolati ekanligi taʼkidlandi.

“Adolat” SDP Andijon viloyat kengashi
Matbuot xizmati.