Libos - ma’naviyat ko‘zgusi

O‘zbekiston “Adolat” SDP Sherobod tuman “Ayollar qanoti” Kengashi tomonidan tumandagi 1-umumta’lim maktabida “Kiyinish madaniyati”, “Qizlar odobi bilan go‘zal” mavzularida yoshlar o‘rtasida kiyinish madaniyati targ‘ibotini tashkil etishga qaratilgan davra suhbati o‘tkazildi.Tadbirda partiya Sherobod tuman Kengashi faollari, tuman “Ayollar qanoti” Kengashi faollari, deputatlar, tuman ijtimoiy moslashtiruv maslahatxona mas’ullari, BPT faollari va maktabning yuqori sinf o‘quvchi qizlari qatnashdilar.

         Tadbirda so‘zga chiqqanlar yoshlar tarbiyasida kiyinish madaniyati muhim ahamiyat kasb etishini, ayniqsa, qizlar jamiyatimizning ziyoli vakilalari sifatida bu borada barchaga namuna bo‘lishlari lozimligini ta’kidladilar.

      Tadbir davomida ma’ruzachilar tomonidan qizlarning kiyinish madaniyati, uning bugungi hayotimizda tutgan o‘rni, yoshlar orasida urfga kirayotgan kiyimlar, qizlarning ta’lim olish uchun qulay hamda yoshiga mos bo‘lgan kiyimlarni kiyishlari, buning afzalliklari haqida so‘z yuritildi.

        Manzura Ulug‘berdiyeva, partiya tuman “Ayollar qanoti” Kengashi faoli:

-  Mahallalarda o‘tkazilgan davra suhbati va uchrashuvlar, mavzuga doir tuzilgan anketa savollariga berilgan javoblarda ham o‘quvchilarning kiyinish madaniyati ko‘pchilikni o‘ylantirayotgan dolzarb masala ekanligi ko‘zga tashlandi. Ta’lim va tarbiyaning uzviyligini ta’minlash, o‘quvchilar ma’naviyatini yuksaltirish ularning tarbiyasida muhim omillardan biri demakdir. Shu ma’noda “Maktabda ijtimoiy tenglik masalalari” loyihasi amaliyotga joriy qilinayotgani bejiz emas. Tadbirdan ko‘zlangan asosiy maqsad ham ta’lim sohasidagi islohotlarning izchilligini ta’minlash, umumta’lim maktablarida ta’lim-tarbiya jarayonini yanada rivojlantirish, o‘quvchilarga bugungi kun talablari darajasida bilim berish, sohaga doir qonun va qonunosti hujjatlarining joylarda samarali ijro etilishi ustidan jamoatchilik nazoratini o‘rnatish yuzasidan o‘zaro fikr almashish, tegishli taklif, tavsiyalarni o‘rganishga qaratildi.Zero, ijtimoiy siyosatimizning bosh maqsadi eng avvalo har tomonlama sog‘lom va barkamol avlodni voyaga yetkazish, shu orqali xalqimizning buyuk kelajagini bunyod etishga qaratilgan.

       Tadbir davomida ishtirokchilar o‘zlarini qiziqtirgan savollarga mas’ullar tomonidan tegishli javoblar olishdi.

Dilafro‘z Rahmatova,

O‘zbekiston “Adolat” SDP mafkuraviy ishlar bo‘yicha bosh mutaxassisi