Loyiha doirasidagi tadbirlar oilalar mustahkamligiga xizmat qiladi

Partiyaning Xorazm viloyat Kengashi tomonidan Toshkent Tibbiyot akademiyasi Urganch filiali talabalari orasida partiyaning “Bir adolatchi yuz ayolga himoyachi” loyihasi doirasida “Erta turmushning salbiy oqibatlari” mavzusida maʼnaviy- maʼrifiy tadbir tashkil etildi.

Tadbirga talabalar, oʻqituvchilar hamda partiya faollari ishtirok etishdi.

Tadbirda soʻzga chiqqan, partiyaning Xorazm viloyat Kengashi Gulora Ismoilova va boshqalar mavzu doirasida hayotiy misollar orqali keng qamrovli tushunchalar berildi.

Oila – hayotning abadiyligini, avlodlarning davomiyligini taʼminlaydigan, muqaddas urf-odatlarimizni saqlaydigan, shu bilan birga, kelajak nasllar qanday inson boʻlib yetishishiga bevosita taʼsir koʻrsatadigan tarbiya oʻchogʻi ekani toʻgʻrisidagi hayotiy misollar hamda nikohda yetuklik deganda oila quruvchi yoshlarning jismoniy, jinsiy, huquqiy, iqtisodiy, maʼnaviy-axloqiy, psixologik kabi yetuklik jihatlarini aniqlash mumkinligi, psixologlar tavsiyasiga binoan nihoyatda erta (16-17 yoshda) oila qurish maqsadga muvofiq emasligi, erta yoshda oila qurish va ikkisining ham yoshi 17-18 boʻlishi, yigitning oila boshligʻi sifatida shakllanishiga salbiy taʼsir qilishi toʻgʻrisidagi va boshqa mavzuga doir fikr-mulohazalar ishtirokchilarning diqqat markazidan joy oldi.

Tadbir davomida partiyaning “Bir adolatchi yuz ayolga himoyachi” loyihasining amaliyotga samarali tatbiq etilishi natijalari xususida soʻz yuritildi.

Ishtirokchilar qiziqqan savollariga soha mutaxassislari tomonidan atroflicha javoblar olishdi.

                                                                                                 Zamira Abdullaeva,

       “Adolat” SDP Xorazm viloyat Kengashi matbuot kotibi.