Mahalladagi muammolar deputat tashabbusi bilan hal etildi

Soʻnggi yillarda mamlakatimizda iqtisodiyotni rivojlantirish, aholi turmush tarzini yaxshilashga qaratilgan tub oʻzgarishlar amalga oshirilyapti. Respublikaning turli hududlarida erkin iqtisodiy zonalar, texnoparklar, klasterlar tashkil etilyapti. “Obod qishloq”, “Obod mahalla”, “Xavfsiz shahar” kabi strategik dasturlar asosida shahar-u qishloqlarda ulkan bunyodkorliklar qilinmoqdaki, ularning qiyofasi mutlaqo yangilanmoqda. Oʻz navbatida, atrof-muhitni muhofaza qilish, ekologik barqarorlikni taʼminlash masalasiga har qachongidan ham koʻra koʻproq eʼtibor qaratilayotir. Jamiyat va Davlat hayotining barcha sohalarida kuzatilayotgan bu kabi shiddatli rivojlanish surʼatlari, eng avvalo, elektr energiyasiga boʻlgan ehtiyojning ham oʻsishiga olib kelmoqda.

Xoʻsh, elektr quvvatiga nisbatan oshib borayotgan ehtiyojni toʻlaqonli qondirish, sanoat foydalanuvchilari uchun elektr yetkazib berishni sifatli taʼminlash, rejadan tashqari oʻchirishlar (qurilmalarning favqulodda ishdan chiqib qolish holatlari)ning oldini olish uchun nimalar qilinmoqda yoki qilinadi? Ushbu masalaga nima uchun kompleks yondashish zarurati tugʻildi? Toʻgʻrisini aytish kerak, bunday zarurat vujudga kelganiga ancha vaqt boʻldi.

Aynan mana shunday kamchiliklarni bartaraf etish, nuqsonlarni yoʻqotish va isrofga yoʻl qoʻymaslik uchun nima qilish kerak? Birinchi navbatda, isteʼmolchilarning elektr taʼminoti ishonchliligi va sifatini taʼminlab qoʻyish darkor. Albatta, bunda kelajakda elektr quvvatiga boʻlgan talabning oshib borishi ham inobatga olinish shart.

Bunday kamchiliklarga yoʻl qoʻyish oʻz navbatida joylarda koʻplab muammolarni keltirib chiqaradi. Ushbu muammolar esa aholining noroziliklariga va turmushdagi sharoitlarining keskin pasayib ketishiga sabab boʻladi.

Pastdargʻom tuman “Furqat” mahalla fuqarolar yigʻini fuqarolari mana shu kabi muammolar bilan Xalq deputatlari Pastdargʻom tuman Kengashi deputati Gulfiniso Qoʻchqorovaga “Ariza” bilan murojaat qilishgan. Ushbu “Ariza” da keltirilishicha bu mahalla Pastdargʻom tumanining “Juma” shaharchasi hududiga yaqin joylashganligiga qaramasdan, juda ayanchli ahvolda. Aynan elektr tarmoqlari oʻtgan simyogʻochlar taʼmirtalab holatdaligi va ov-havoning keskin oʻzgarishlari natijasida simyogʻochlar xavfli holatlarga kelishi bu esa joyi kelganda aholining xavfsizligiga xavf solayotganligi, oqar suvning muammosi hamda ichki koʻchalar juda xarob holdaligi keltirib oʻtilgandir.

Deputat ushbu “Ariza” bilan tanishib chiqishi bilanoq, ushbu mahalla fuqarolari bilan bevosita uchrashdi hamda masalalarga yechim topishga harakatni boshladi. Mazkur xayrli va muhim ishlar oʻz-oʻzidan, osonlikcha bajarilib qolmasligi aniq. Yaʼni buning uchun deputatning bevosita mehnati, qatʼiy iroda, tinimsiz izlanishlari va xalqning qoʻllab-quvvatlashi kerak boʻladi.

Shunday ekan, respublikamizda energetikaning pishiq-puxta rivojlanishi, isteʼmolchilarga elektr energiyasini barqaror yetkazib berish, ekologik xavfsizlikni taʼminlash maqsadida qayta tiklanuvchi energiya manbalari (quyosh, shamol qurilmalari)ni hayotga tatbiq etishga ham alohida ahamiyat berilmoqda. Zero, bunday neʼmatlarni oʻzlashtirish tabiiy resurslarni kelajak avlod uchun asrab-avaylash, atmosferaga yoqilgʻi yonishidan hosil boʻlgan zararli moddalar chiqarishni kamaytirishning muhim omili hisoblanadi.

Deputat tashabbusi bilan ushbu mahalladagi taʼmirtalab holatga kelgan barcha simyogʻochlar oʻzgartirilib, yangi elektr tarmoqlari liniyalari oʻrnatildi. Mahalla ichki yoʻllarning asfaltlash tirilishiga erishildi.

Bir necha yillardan buyon aholini qiynab kelayotgan ushbu muammolar juda tezlik bilan bartaraf etilmagan boʻlsa-da, ammo mahalla fuqarolarini qoniqtirdi. Ushbu holatlar yuzasidan “Furqat” mahalla fuqarolar yigʻini aholisi koʻplab tashkilotlarga murojaatnomalar bilan yuzlanganliklari ammo natija boʻlmaganligini bot-bot taʼkidlashdi.

Deputatning va masʼullarning mehnatlarini koʻrgan mahalla fuqarolari, kelgusida oʻzlari ham tejamkorlik bilan, elektr energiyasidan foydalanishlari kerakligi nafaqat elektr balki boshqa resurslardan ham tejamkorlik bilan foydalanishlari kerak ekanligini anglashga boʻlsa ajab emas.

Zero har narsaning ham oxiri, har narsaning ham uvoli bordir. Deputat Gulfiniso Qoʻchqorova esa oʻz okrugi hududidagi boshqa mahalla fuqarolari murojaatlari bilan tanishishda va undagi muammolarni hal etishda davom etmoqda.

“Adolat”SDP Samarqand viloyat Kengashi matbuot xizmati.