Maktabdagi qulayliklar xalq vakillarini mamnun etdi

Yurtimiz ijtimoiy-iqtisodiy taraqqiyotining yagona yoʻli ilm va maʼrifatdir. Ilm va maʼrifat taraqqiy etgan, ustuvor boʻlgan jamiyatda maʼnaviyat yuksaladi, davlat rivojlanadi, inson haq-huquqlari qaror topib, qadri ulugʻlanadi. Albatta, bunga eltadigan yagona yoʻl esa taʼlim va tarbiyadir.

Muborak tumanidagi 1-umumtaʼlim maktabida 2260 nafar oʻquvchi taʼlim-tarbiya oladi. Ularga 146 nafar pedagoglar fan sirlarini puxta oʻrgatib kelishyapti. Bugun ushbu maktabga kuz qish mavsumiga tayyorgarlik qay ahvolda? Oliy Majlis Qonunchilik palatasi deputati Maxfurat Xushvaqtova taʼlim maskanida boʻlib maktabning infratuzilmasi, fan xonalari, laboratoriyalarni koʻzdan kechirdi. Shunisi eʼtiborliki maktabda oʻqituvchilar va oʻquvchilar uchun barcha shart-sharoitlar muhayyo etilgan. Sinf xonalari va laboratoriyalar zamonaviy oʻquv qurollari bilan taʼminlangan. Maktab kuz qish mavsumiga ham har tomonlama tayyor. Oʻqituvchi va oʻquvchilar yangi oʻquv yiliga har tomonlama yaxshi tayyorgarlik bilan kelishyapti. Quvonarli tomoni shundaki, ushbu maktab xalq vakillari tomonidan tumandagi eng namunali taʼlim muassasasi deb eʼtirof etildi.

Shuningdek Oliy Majlis Qonunchilik palatasidagi “Adolat” SDP fraksiyasi aʼzosi Maxfurat Xushvaqtova fuqarolar bilan ham uchrashdi. Unda tumandagi koʻpgina mahalla va qishloqlarda umrguzaronlik qilayotgan fuqarolar oʻz hududlarida muammo boʻlayotgan toza ichimlik suvi hamda tabiiy gaz yetkazib berishdagi uzilishlar xususida murojaat qilishdi.

Deputat fuqarolarni qiynab kelayotgan muammolarni mutasaddi idoralar masʼullari ishtirokida bartaraf etishga erishdi.

“Adolat” SDP

Qashqadaryo viloyat   Kengashi Matbuot xizmati.