Maqsadimiz-adolat va yana adolat

Ayni kunlarda saylovchilar Prezidentlikka koʻrsatilgan nomzodlarning saylovoldi dasturlarini qiziqish bilan oʻrganmoqda. Ayni shu mavzuda joylarda oʻtkazilayotgan tadbirlar fuqarolarning faolligi ostida oʻtayotgani buning tasdigʻidir.

Oʻzbekiston “Adolat” SDPdan Prezidentlikka koʻrsatilgan nomzod Roba Anvarovna Maxmudovaning Andijon viloyati boʻyicha ishonchli vakili M.Musayevaning saylovchilar bilan uchrashuvida ham yurtdoshlarimizning huquqiy madaniyati oʻsib borayotgani koʻzga tashlandi. Tadbir kun tartibidan asosan bitta masala oʻrin oldi: “Adolat” SDPdan Oʻzbekiston Respublikasi Prezidentligiga nomzodning tarjimai holi va saylovoldi dasturi bilan tanishtirish.

Nomzodning saylovoldi dasturida koʻtarilgan masalalar partiyaning maqsad va gʻoyalariga hamohang ekanligi eʼtiborli. Huquqiy davlat, ijtimoiy adolatni qaror toptirish, fuqarolik jamiyatini barpo etish, iqtisodiyot, taʼlim va ilm-fan, sogʻliqni saqlash, ekologiya, oilani mustahkamlash, yuksak maʼnaviyatli jamiyat qurish, tinchliksevar tashqi siyosat. Bu yoʻnalishlarning har biri dolzarb va ahamiyatli. Shu sabab saylovchilar tomonidan qoʻllab-quvvatlanmoqda.

Oʻtkirbek Arziqulov, xalq deputatlari Andijon shahar kengashi deputati:

-Partiyamiz tomonidan koʻrsatilgan nomzodning saylovoldi dasturi bilan tanishib, bir xulosaga keldim. Qonun ustuvorligi, adolatli jamiyat qurish uchun kurashish oldimizda turgan eng dolzarb vazifa. Bu borada amaldagi qonunchiligimiz mustahkamlanib borayotgani, Bosh Qonunimizga kiritilgan oʻzgarishlar barchamiz uchun asosiy qurol. Saylovda ishtirokimiz ham bu yoʻlda dadil bir qadam demakdir.

Tadbirda soʻz olgan partiya faollari, mahalliy kengash deputatlari va yoshlar nomzodning saylovoldi dasturi yuzasidan oʻz fikrlarini bildirib, uni qoʻllab-quvvatlaladi.

“Adolat” SDP

Andijon viloyat kengashi Matbuot xizmati.