“Mehnati elda aziz USTOZIM”!

Oʻqituvchi va murabbiylarning beminnat xizmati, mashaqqatli mehnati, insoniylik fazilatlari barchaga maʼlumdir.Mamlakatimizda har yili 1-oktabr sanasi “Oʻqituvchi va murabbiylar” kuni etib belgilanganligi, katta shod-u xurramlik bilan bayram qilinishi ham ana shunday hurmat-ehtirom va eʼzozning davlat miqyosidagi ifodasidir.

Vobkent tuman “Xayrxush” MFY da joylashgan 25-maktabda 1-oktabr “Ustoz va murabbiylar kuni” munosabati bilan “Mehnati elda aziz USTOZIM”! deb nomlangan madaniy-maʼrifiy tadbir boʻlib oʻtdi.  Tadbirda “Adolat” SDP Buxoro viloyat Kengashi xodimlari, partiya faollari, mazkur taʼlim dargohida faoliyat olib borayotgan ustoz-murabbiylar hamda oʻquvchi -yoshlar ishtirok etishdi.

Uchrashuvda maktab direktori Zebo Hakimova mazkur ziyo maskanida faoliyat olib borayotgan barcha ustoz va murabbiylarni kasb bayrami bilan tabrikladi.

Shuningdek, partiya faoli Gulsara Toshev ham soʻzga chiqib, muallimlarni mashaqqatli kasbidan sharaf topib kelayotganini taʼkidladi. Kelajak avlodga ziyo ulashishda kuch quvvatlar tiladi. Partiyaning tashabbuskor, fidoyi ustoz va murabbiylarga viloyat Kengashining faxriy yorliq, tashakkurnoma hamda esdalik sovgʻalarini topshirdi.

Tadbir davomida maktabning yuqori sinf oʻquvchilari ishtirokida konsert dasturi namoyish etilib, bayram tadbiri ishtirokchilariga koʻtarinki kayfiyat ulashildi.

Mohigul Rahimqulova,

“Adolat” SDP Buxoro viloyat Kengashi matbuot kotibi.