Mehr ulashib...

“Mehr harakati” doirasida “Adolat” sotsial-demokratik partiyasidan Xalq deputatlari Ellikqalʼa tuman Kengashi deputati K.Yuldasheva tomonidan Boʻston shahridagi “Iqbol” ovul fuqarolar yigʻini hududidagi ijtimoiy himoyaga muhtoj oilalar holidan xabar olindi.

Tashrif doirasida deputat oilalarning turmush darajasini yaxshilash boʻyicha oʻrganish ishlari olib borib, xonadonlardagi oʻgʻil-qizlarga qishning sovuq kunlarida zarur boʻlgan issiq kiyimlar va oziq-ovqat mahsulotlarini tarqatdi.

Bugungi sinovli sovuq kunlarda partiyamizning barcha darajadagi deputatlik korpuslari oʻz saylovchilari bilan birga boʻlib, ushbu xayrli ishlar doirasida aholining qishdan talafotsiz chiqib olishlariga yordam berishmoqda.

Oʻrinboy Karimov,
“Adolat” SDP Ellikqalʼa tumani Kengashi raisi