Mening Konstitutsiyam-mening kelajagim

30-aprel kuni boʻlib oʻtadigan referendum oldidan “Adolat” SDP Andijon viloyat Kengashi tashabbusi bilan Ulugʻnor tumanida tashkil etilgan davra suhbati “Mening Konstitutsiyam — mening kelajagim” deb nomlandi. Chindan ham shunday. Yangilanayotgan Konstitutsiyamiz xalqimizning takliflari asosida tayyorlandi va xalqimiz kelajagi uchun xizmat qiladi. Mahalla faollari va yoshlar ishtirokidagi tadbirda Konstitutsiyaviy qonun loyihasi haqida soʻz bordi. Uning har bir moddasi puxta ishlangani, fuqarolarning huquqlari aniq belgilangani taʼkidlandi.

Aytish mumkinki, keyingi yillarda yurtimizda inson manfaatlari, qadr-qimmatini yuksaltirish yoʻlida keng koʻlamli islohotlar amalga oshirilmoqda. Konstitutsiyaviy islohotlar orqali davlat xalqimiz uchun juda muhim boʻlgan masalalarda qator majburiyatlarni zimmasiga olayotgani buning izchil davomidir. Oʻzbekiston ijtimoiy davlat ekani qonun loyihasining birinchi moddasida qatʼiy belgilanib, keyingi moddalarda bu qoida rivojlantirilmoqda. Umuman olganda yangilanayotgan Konstitutsiyamiz yangi Oʻzbekistonning kelajagini belgilaydi. Shu sabab yurtdoshlarimiz uni qoʻllab-quvvatlamoqda.

“Adolat” SDP Andijon viloyat Kengashi
Matbuot xizmati.