Muammolar oʻrganilib, vazifalar belgilandi

“Adolat” SDP Shofirkon tuman Kengashi raisi Nodira Berdiyeva hamda Xalq deputatlari Shofirkon tuman Kengashi deputati Zulfiya Ashurovalar tomonidan partiyaning “Muammo bilan yuzma-yuz” loyihasi doirasida tumandagi “Qalmoqon” va “A.Navoy” MFYlarda yashovchi fuqarolarning muammo va takliflari oʻrganildi.

Shu bilan birgalikda ishchi guruh MFYlar faollari bilan birgalikda mahallada istiqomat qiluvchi keksa-nuroniylar, nogironligi bor, bemorlar va ehtiyojmand oilalar vakillari holidan xabar olib, ularning muammo va takliflarini ham tingladi.

Shuningdek, ishchi guruh tomonidan mahallalarda “Temir daftar”, “Yoshlar” va “Ayollar daftari”ga kiritilgan fuqarolar bilan ishlash, kambagʻallikni qisqartirish, aholi bandligi, MFYlarda amalga oshirilayotgan bunyodkorlik ishlari hamda fuqarolarni qiynab kelayotgan turli masalalar yuzasidan ham mutasaddilar bilan suhbat olib borildi.

MFYlardagi oʻrganishlar jarayonida aniqlangan muammolarni hal etish maqsadida ishchi guruh tomonidan zarur vazifalar belgilanib, tegishli tashkilotlarga deputatlik soʻrovlari yuborildi va ijrosi nazoratga olindi.

Deputatlarimiz tomonidan joylarda mavjud muammolarni bartaraf etish, saylovchilarning ishonchini oqlashga qaratilgan bunday xayrli va amaliy ishlar muntazam davom ettirilmoqda.

Mohigul Rahimqulova,

“Adolat” SDP Buxoro viloyat Kengashi matbuot kotibi.