Mustaqillik-oliy neʼmat

Oʻzbekiston Respublikasi Prezidenti Shavkat Mirziyoyevning oqilona siyosati tufayli Mamlakatda barcha ustuvor yoʻnalishlar jadal rivojlanib bormoqda. Soʻnggi besh yilda Prezidentimiz tomonidan qator davlat dasturlari, konsepsiyalar va milliy strategiyalar qabul qilinishi samarasida iqtisodiyotning barcha tarmoqlarida muhim natijalar qoʻlga kiritildi. Hozirgi kunda yurtimizda turli millat va elat vakillari ahil-inoq yashab, ularning madaniyati, tili, urf-odatlari va anʼanalarini asrab-avaylash yoʻlida barcha zarur shart-sharoitlar yaratilgan. Prezidentmiz Shavkat Mirziyoyev rahbarligida Davlat va jamiyat hayotining barcha jabhalarida keng koʻlamli islohotlar amalga oshirilmoqda. Davlatimiz rahbari tashabbusi bilan ishlab chiqilgan Oʻzbekiston Respublikasini rivojlantirish boʻyicha besh yilga moʻljallangan Harakatlar strategiyasi mamlakatimiz taraqqiyotini yangi bosqichga olib chiqishda muhim ahamiyat kasb etadi. Oʻzbekiston mustaqillikka erishgan ilk yillardan diniy sohaga oʻzbek xalqining milliy maʼnaviyatining ajralmas qismi sifatida alohida eʼtibor qaratildi. Xalqimiz tomonidan istiqlolning dastlabki yillaridan vijdon erkinligini taʼminlash, diniy va milliy qadriyatlarimizni qayta tiklash va rivojlantirish borasida davlatimizning olib borayotgan siyosatiga katta ishonch bildirilayotgani bugungi kunda ushbu yoʻnalishdagi xayrli ishlarning tobora izchillik bilan rivojlanishi timsolida yaqqol namoyon boʻlmoqda.

Oʻzbekistonda diniy sohada olib borilayotgan siyosat BMT Bosh Аssambleyasi tomonidan 1948 yilda qabul qilingan “Inson huquqlari umumjahon Deklaratsiyasi” moddalarida belgilangan tamoyillarga hamohang boʻlib, davlatimiz vijdon erkinligini taʼminlash borasida oʻz zimmasiga olgan barcha xalqaro shartnomalarni toʻla-toʻkis bajarilmoqda. Yurtimizda 130 dan ortiq millat vakillari istiqomat qilib, 16 ta diniy konfessiyaga mansub 2241 ta diniy tashkilot, shu jumladan, Imom Buxoriy xalqaro ilmiy-tadqiqot markazi, Imom Termiziy xalqaro ilmiy-tadqiqot markazi, Oʻzbekistondagi Islom madaniyati markazi, Toshkent islom instituti, Mir Аrab oliy madrasasi, 9 ta oʻrta maxsus islom bilim yurti, pravoslav va protestant seminariyalari faoliyat olib bormoqda.

Muhtaram Yurtboshimizning tashabbuslari bilan Vazirlar Mahkamasi huzuridagi Islom madaniyati markazi, Samarqandda Imom Buxoriy xalqaro ilmiy-tadqiqot markazi, Termiz shahrida Imom Termiziy ilmiy-tadqiqot markazi, Buxoroda Mir Аrab oliy madrasasi, Toshkent shahrida Oʻzbekistondagi islom madaniyati markazi faoliyati tashkil etildi.

Bir soʻz bilan aytganda, Mustaqilligimiz sharofati bilan mamlakatimizda barcha islohotlar inson qadri uchun tamoyili asosida oʻz samarasini berib kelayotgani Mustaqillik oliy neʼmat ekanini ifoda etmoqda.

 Zamira Аbdurahmonova,

 “Аdolat” SDP Urgut tuman Kengashi raisi.