Navoiyda saylov targ’iboti tadbirlari qizg’in pallaga kirdi

Respublikamizning barcha hududlarida bo’lgani kabi Navoiy viloyatida ham Saylovoldi targ’ibot ishlari o’zining qizg’in pallasiga kirdi. “Adolat” sotsial demokratik partiyasidan Prezidentlikka nomzodi qoʻyilgan Robaxon Maxmudovaning saylovoldi dasturi targʻiboti joylarda aholi oʻrtasida keng tushuntirish va targʻibot ishlari olib borilmoqda.

Ayniqsa, aholi gavjum maskanlarda, istirohat bogʻlari, avtobuslar bekatlarida, bozorlar hududlari, mahallalarda, tibbiyot muassasalari hamda aholi xonadonlarida nomzodning dasturlari, targʻibot flayerlari, bukletlar va boshqa targʻibot materiallari tarqatilib Prezidentlikka nomzod va uning saylovoldi dasturi toʻgʻrisida saylovchilarning xabardorligini oshirishga alohida eʼtibor qaratildi.

Xususan, “Adolat” SDP Navoiy viloyat Kengashi tomonidan joriy yilning 2 iyul kuni Navoiy shahridagi “Saxovat” MCHJga qarashli viloyatdagi eng katta hisoblangan Markaziy dehqon bozorida Prezidentlikka nomzod Robaxon Maxmudovaning saylovoldi dasturi va flayerlari va boshqa targʻibot vositalari tarqatilib, aholi oʻrtasida keng tushuntirish va targʻibot ishlari oʻtkazildi.

Shuningdek, shu kuni Karmana tuman tibbiyot birlashmasiga qarashli shoshilinch tez-tibbiy yordam va nevrologiya boshqa boʻlimlarida boʻlib boʻlib, partiyaning asosiy elektorati hisoblangan tibbiyot xodimlari oʻrtasida nomzodning dasturi va boshqa saylovoldi dasturi targʻib qilinib, materiallari tarqatildi.

3 iyul kuni aholi xonadonlariga tashrif buyurilib, Prezidentlikka nomzod Robaxon Maxmudovaning dasturida ilgari surilgan muhim gʻoya va tashabbuslar toʻgʻrisida tushuntirishlar berildi.

Joriy yilning 4 iyul kuni “Adolat” SDP Karmana tuman Kengashi raisi Obid Shodiyev tomonidan tumandagi mehmonxonalar, xizmat koʻrsatish obyektlarida “Adolat” SDPdan Prezidentlikka koʻrsatilgan nomzod — Robaxon Maxmudovaning saylovoldi dasturi targʻiboti joylarda keng tushuntirish va targʻibot ishlari olib borildi.

Shuningdek, 5 iyul sanasida Qiziltepa tumanidagi 5- son jazoni ijro etish koloniyasi hamda koʻnikma hosil qilish markazida tashkil etilgan tadbirda partiyaning Qiziltepa tuman Kengashi raisi Munira Eshmurodova yigʻilganlarga nomzodning tarjimai holi, saylovoldi dasturi haqida batafsil tushunchalar berdi.

Saylov oldi targ’ibotlar davomida mamlakatimizda amalga oshirilayotgan inson qadrini ulugʻlash, qonun ustuvorligini taʼminlash, aholi turmush darajasini oshirishga qaratilgan keng koʻlamli islohotlardan roziligi ushbu islohotlar va uni hayotga tatbiq etilishida Oʻzbekiston “Adolat” sotsial-demokratik partiyasining ham muhim oʻrni va roli borligini saylovchilar chuqur anglab yetganiga amin boʻldik.  

Bu esa 9 iyul kuni boʻlib oʻtadigan Oʻzbekiston Respublikasi Prezidentligiga boʻlib oʻtadigan saylovda nomzodimizning yuqori natijalarni qayd etishida muhim ahamiyat kasb etishiga ishonamiz.

“Adolat” SDP

Navoiy viloyat  kengashi Matbuot xizmati.