“O‘zbekiston - 2030” - taraqqiyotning yangi bosqichi

2023-yil 11-sentabr kuni  Prezidentimiz Shavkat Mirziyoyev tomonidan “O‘zbekiston - 2030” strategiyasini 2023-yilda sifatli va o‘z vaqtida amalga oshirish chora-tadbirlari to‘g‘risida”gi Qarori qabul qilinidi.

Mazkur Qarordagi barcha maqsadlar har bir soha va tarmoqlarni yuksaltirishga, yangilanishlar olib kirishga, eng avvalo, mamlakatimizda istiqomat qilayotgan barcha insonlarning hayotdan rozi bo‘lgan holda yashashga erishishi lozimligiga qaratilgani bilan ahamiyatlidir. Qolaversa, mazkur yilga mo‘ljallangan Qarorda uzoq vaqt davomida fuqarolarimizni qiynab kelayotgan kelayotgan turli muammolarga barham berishga katta e’tibor berilgan.

Shu bilan birgalikda, insonlarning turmush darajasi va sifatini yanada oshirishni ta’minlash bilan bir qatorda yaqin va o‘rta istiqbolda O‘zbekistonning taraqqiyot tendensiyalari, davlat va jamiyat hayotining barcha jabhalarini kompleks rivojlantirish yo‘nalishlari aniq belgilangan.

E’tiborga molik yana bir muhim jihati shundaki,  uni ishlab chiqishda koʻp yillar mobaynida oʻz yechimini topmay, saqlanib kelayotgan ijtimoiy muammolarni hal etish e’tiborga olindi, qilinishi kerka bo‘lgan muhim islohotlar belgilab berildi. Eng muhimi, hujjatni ishlab chiqilishida ko’plab fuqarolarimiz ham o‘z fikr-mulohazalari bilan faol ishtirok etishdi.

Umuman olganda, “O‘zbekiston - 2030” strategiyasini 2023-yilda sifatli va o‘z vaqtida amalga oshirish chora-tadbirlari to‘g‘risida”gi Qaror amalga oshiriladigan muhim ishlarni belgilab bergani sababli uni qabul qilishda chuqur tahlil va zarur asoslarga tayanilgandir. Aynan har tomonlama puxta tuzilgan va bajarilish ehtimoli real imkoniyatdan kelib chiqqan mazkur hujjat koʻzlangan barcha maqsadlarga erishishga imkon beradi.

Mahmud XOLBOEV,

“Adolat” SDP Jizzax viloyat Kengashi yetakchi mutaxassisi