O'zbekiston – bizning umumiy uyimiz

“Adolat” sotsial-demokratik partiyasidan Oʻzbekiston Respublikasi Prezidentligiga nomzod Robaxon Mahmudovaning Buxoro viloyatdagi ishonchli vakili Maqsud Hamidovning buxorolik saylovchilar bilan so’ngi uchrashuvi bo'lib o'tdi.

Tadbir Olot tuman 15-son Musiqa va san’at maktabida tashkil qilindi.

Uchrashuvda Oliy Majlis Qonunchilik Palatasi deputati T.Choriyev, tuman deputatlari, partiya va mahalla faollari, yoshlar hamda ommaviy axborot vositalari xodimlari ishtirok etishdi.

Ishonchlik vakil olotlik saylovchilarga nomzodning saylovoldi dasturi o’rin olgan yo’nalishlar haqida ma’limot berib o’tdi.

"Nomzod o'z oldiga 9 ustuvor yo’nalish qo’yib, olijanob va ezgu maqsad-vazifalarni belgilagan. Ular adolatli jamiyat va huquqiy davlat qurishda – ijtimoiy islohotlarning samaradorligini ta'minlash, mehnatkash xalqimiz uchun munosib farovon hayotni barpo etish, mamlakatimizda barqarorlikka va ijtimoiy adolat ustuvorligiga erishishga qaratilgandir"-deya takidladi ishonchli vakil M.Hamidov.

Tadbir yakunida Oliy Majlis Qonunchilik Palatasi deputati T.Choriyev so’zga chiqib, uchrashuv qatnashchilarini 9-iyul kuni Prezidentlikga boʻlib oʻtadigan saylovlarda faol qatnashib, siyosiy huquqlaridan foydalanishga, befarq boʻlmaslikka chaqirdi.

O'zbekiston – bizning umumiy uyimiz. Shunday ekan, uning har bir fuqarosi erkinlik va adolat, tinchlik va farovonlikda yashashga haqlidir!

Adolatli jamiyat va huquqiy davlatni birgalikda quramiz!

Mohigul Rahimqulova,

“Adolat SDP Buxoro viloyat Kengashi matbuot kotibi.