Oʻzbekiston yoshlariga yaratilayotgan imkoniyatlar Yangi Oʻzbekiston poydevori

“Adolat” SDP Qarshi tumani Kengashi va yoshlar tashkilotlari tomonidan tuman Yoshlar agentligi tadbirgohida “Yangi Oʻzbekistonni birgalikda bunyod etamiz” mavzusida davra suhbati boʻlib oʻtdi. Unda Yosh adolatchilar qanoti faoli Dilafruz Toʻychiyeva maʼruza qildi.

-Bugungi Oʻzbekiston yoshlari qanchalik bilimli, tarbiyali,iqtidorli, dunyoqarashi keng, vatanparvar boʻlib kamolga yetsa, yangi Oʻzbekistonni qurishga shu qadar kamarbasta boʻladi,-dedi Dilafruz Toʻychiyeva.- Serquyosh mamlakatimizda amalga oshirilayotgan ulkan islohotlar yangi Oʻzbekistonning jahonda hech kimdan kam boʻlmaydigan taraqqiyoti yoʻlidagi ulugʻvor maqsadlarga qaratilgan faoliyati bundan dalolatdir. Prezidentimiz har safar Yangi Oʻzbekistonni xalqimiz bilan birgalikda barpo etamiz deb bot-bot aytadilar. Ushbu ulugʻvor maqsadlar zamirida esa ertangi kelajagimiz, yurtimiz taraqqiyoti masalasi turibdi. Bu ulugʻ ezgu maqsadlarga, albatta, yoshlar bilan birgalikda erishishimiz aniq. Shuning uchun ham davlatimiz rahbari tomonidan yoshlarning bilim olishi, kasb-hunarli boʻlishi va hayotda oʻz oʻrnini topib ketishlari uchun katta imkoniyatlar yaratilyapti. Demak, bu ham har bir yoshning faol saʼy-harakatlariga bogʻliq.

-Muhtaram Prezidentimiz mamlakatimizda ilm-fanni yanada ravnaq toptirish, yoshlarimizni chuqur bilim, yuksak maʼnaviyat va madaniyat egasi etib tarbiyalash borasidagi islohotlarni jadal davom ettirish uchun davlat tomonidan katta mablagʻlar ajratilishiga bosh qosh boʻlyaptilar,-dedi partiya faoli Husniddin Berdimurodov.

- Biz “Adolat” SDP faollari yoshlarining siyosiy, ijtimoiy faolligini oshirish, huquqiy madaniyatini mustahkamlash uchun keng qamrovli targʻibot ishlarini olib boryapmiz. Qariyb 16 mingdan ortiq yosh adolatchilar safiga uyushgan va shuncha xayrixoh yoshlarimiz bilan barcha jabhada amalga oshirilayotgan bunyodkorlik ishlariga faol ishtirok etyapmiz. Maqsadimiz Yangi Oʻzbekistonni har tomonlama taraqqiy ettirishdan iboratdir.

Davra suhbatida Yangi Oʻzbekistonni huquqiy ijtimoiy davlat sifatida dunyo mamlakatlari oʻrtasida tanilishi uchun barcha imkoniyatlarni ishga solish muhim ekanligi taʼkidlandi. Tadbirda hozir boʻlgan barcha yoshlarni oʻzlari faoliyat olib borayotgan hamma jabhada faol boʻlishga daʼvat etildi.

Yoqub Amirqulov,

Partiya faoli.