Ona tabiatni musaffoligi- oliy maqsadimiz

Dangʻara tumanidagi “Qiyali” MFY tuman markazidan 15 kilometr olisda joylashgan. Mahalla hududida 24 gektar maydonni qamroviga olgan 2 ta chiqindixona mavjud. Bu erga har kuni Qoʻqon shahri , Dangʻara va Buvayda tumanlaridan maishiy chiqindilar keltiriladi.

“Adolat” SDP Dangʻara tuman Kengashi raisi Mohira Mamatqulova tashabbusi bilan tegishli idoralar hamkorligida “Tozalik yoʻlida birlashaylik!” loyihasi doirasida nazorat tadbiri oʻtkazildi. Tadbir davomida mahallada istiqomat qiluvchi aholi vakillari bilan suhbat qurilib, ularning turmush sharoitlari, chiqindixona bilan bogʻliq muammolar, taklif va istaklar oʻrganildi.

“Qiyali” MFYda bugungi kunda 3298 nafar aholi istiqomat qiladi. Hududimizda sanoat korxonalari yoʻqligi uchun mahalla aholisi asosan qishloq xoʻjaligi mahsulotlarini yetishtirish bilan shugʻullanadi, — deydi mahalla raisi Qobiljon Isroilov. — mahallamiz hududida joylashgan Saminjon Joʻraev rahbarligidagi 2 ta chiqindilarni qayta ishlash oilaviy korxonasida bugungi kunda ish bilan band boʻlmagan 6 nafar mahalla yoshlari mehnat qilib, oila daromadiga oʻz ulushini qoʻshib kelyapti. Bundan tashqari, aksariyat fuqarolarimiz boʻsh qoldi, deguncha oilaviy korxonaga chiqib, soatbay ishlab qoʻshimcha daromad olish imkoniga egalar. Shuning uchun ham mahalliy aholimizdan chiqindixonalar yuzasidan eʼtiroz yoki uni boshqa joyga koʻchirish yuzasidan murojaatlar boʻlmagan.

Nazorat tadbiri davomida oilaviy korxonada mehnat qilayotgan ishchilarga qoʻshimcha qulaylik yaratish, hududni musaffoligi saylash yuzasidan taklif va tavsiyalar berildi.

“Adolat” SDP
Fargʻona viloyat Kengashi Matbuot xizmati.