Onangizni qutlang

Mushtipar ham oʻzing, buyuk ham oʻzing,

Kuyinchak ham oʻzing, kuyuk ham oʻzing.

Olamga tatirlik suyuk ham oʻzing,

Payt keldi aytmoqqa, gapning xonasi,

Ey, Oʻzbek onasi, Oʻzbek onasi.

Bahor bayramlarini hammamiz orziqib kutamiz. Ayniqsa xotin-qizlar kunini. Chunki bu kun biz uchun onalarimizni, opa-singillarimizni koʻnglini olish, mehrimizni bildirish imkoni. Qalbida oz boʻlsa-da ezgulik oʻrin olgan inson borki bunga oshiqadi, volidalarining poyiga tiz choʻkadi.

Biz ham bola edik. Opam va ukalarim bilan bayramda onamizni qanday xursand qilish haqida bosh qotirardik. Qoʻlimizdan kelganicha sovgʻa tayyorlardik. Onam uchun biz nima sovgʻa qilmaylik bebaho, qadrli edi. Maqtay-maqtay uyimizning toʻrisiga joylardi.

Kenja ukam bir gal hammamizni lol qoldirgan. Sovgʻalar qurshovidagi onamizni mahkam quchib “Men siz uchun eng hidli gul boʻlay,onajon” deya yuzlaridan oʻpgandi. Buni kutmagan volidamizni koʻzlari yoshlandi. Shu-shu bir umr ukamni mening eng hidli gulim, deya alqaydigan boʻldi.

Siz-chi? Siz onangizga qanday sovgʻa tayyorladingiz?

Oʻtkirbek Arziqulov,

“Adolat” SDP Andijon shahar kengashi raisi.