Partiya tashabbusi bilan mahallada tibbiy koʻrik tashkil etildi

Mamlakatimizda onalar va bolalar salomatligini mustahkamlash, har tomonlama yetuk va barkamol avlodni tarbiyalab voyaga yetkazish, bu borada esa xotin-qizlar salomatligini mustahkamlash masalasi davlat siyosati darajasiga koʻtarildi.

Shu bois, yurtimizda xotin-qizlar sogʻligʻini mustahkam himoya qilishning huquqiy asoslari yaratilganligi, tibbiy xizmat tizimini jahon andozalari darajasiga koʻtarish, onalik va bolalikni muhofaza qilish boʻyicha keng koʻlamli ishlar olib borilmoqda.Oʻzbekiston “Adolat” sotsial-demokratik partiyasi tomonidan ham hududlarda fuqarolarni tibbiy koʻrikdan oʻtkazish ishlari olib borilmoqda. Xususan, partiyaning Shoʻrchi tuman “Ayollar qanoti” Kengashi va tuman tibbiyot birlashmasi hamkorlikda tumandagi “Joyilma” MFY 93-sonli qishloq oilaviy poliklinikasida partiyaning “Salomatlik yoʻlida birlashaylik” loyihasi doirasida aholi uchun bepul chuqurlashtirilgan tibbiy koʻrik tashkil etildi.

Tibbiy koʻrik davomida fuqarolarga sogʻlom turmush tarzi, oʻzi va yaqinlarining salomatligiga eʼtiborli boʻlish, sogʻlom umr koʻrishlari boʻyicha maslahatlar berishyapti.

 Muhayyo Sangatova, “Joyilma” MFY xotin-qizlar faoli:

  — Mahallamizda yashayotgan yoshi ulugʻ insonlar, nogironligi bor shaxslar va bolalarning holidan xabar olinib, uy sharoitida tibbiy koʻrik tashkil etildi. Sogʻlom turmush tarzini shakllantirishda jismoniy tarbiya va sportning oʻrni, toʻgʻri ovqatlanish yuzasidan maslahatlar berilayotir. Aholini chuqurlashtirilgan tibbiy koʻrikdan oʻtkazishni takomillashtirish sogʻlom avlodni tarbiyalash, ona va bola salomatligini muhofaza qilish, aholida tibbiy etika, sanitariya-gigiyena koʻnikmalarini shakllantirish, kasalliklarni kamaytirishda muhimdir.

Tibbiy koʻrik davomida fuqarolar oʻzlari qiziqqan savollarga javoblar, salomatligi toʻgʻrisidagi muammolarga tegishli koʻrsatmalar olishdi.

Anzura Qudratova,

 “Adolat” SDP Shoʻrchi tuman “Ayollar qanoti” Kengashi faoli.