Partiyamiz safi kengaymoqda

 Soʻngi yillarda “Adolat” sotsial-demokratik partiyasi safi turli sohalarda mehnat qilib, xalqimiz eʼtiboriga tushib, oʻz oʻrni va obroʻyi bilan xalqimiz ishonchini qozongan faol aʼzolar soni bilan tobora oshib, keng omma orasida nufuzi yuksalib bormoqda. Bu koʻrsatkichni partiyaning Xorazm viloyat Kengashi misolida ham kuzatish mumkin. “Adolat” SDP Xorazm viloyat hamda Xiva shahar Kengashlari hamkorligida hamda Oliy Majlis Qonunchilik palatasi deputati Gulruh Agzamova ishtirokida “Xiva gilam kombinati” MCHJda partiyaning dasturiy maqsadlariga qaratilgan davra suhbati tashkil etildi. Unda partiya faollari tomonidan mamlakatimiz rivoji yoʻlida partiyamiz tomonidan olib borilayotgan islohotlar, ustuvor gʻoyalarning hayotga taqdim etilishi natijalari toʻgʻrisida soʻz yuritishdi.

Tadbir savol va javoblar bilan qizgʻin kechdi.

Tadbir soʻngida, partiyaga aʼzo boʻlish istagini bildirgan “Xiva gilam kombinati” masʼuliyati cheklangan jamiyati moliya va iqtisod markazi rahbari, bosh hisobchisi Oʻktam Rahimovning partiyaga aʼzo boʻlish istagi qanoatlantirildi va aʼzolik bileti tantanali topshirildi.

Vohada bu kabi tadbirlar davom etmoqda.

Zamira Abdullaeva,

“Adolat” SDP Xorazm viloyat Kengashi matbuot kotibi.