Paxta yigʻim- terimchilariga bayramona kayfiyat ulashildi

Oʻzbek tiliga davlat tili maqomi berilganiga 34 yil toʻlishi munosabati bilan barcha joylardagi kabi xorazmlik adolatchilar ham til bayramini munosib kutib olishda faollik koʻrsatishmoqda.

Bugun Yangiariq tuman “Gulshanda” mahallasida faoliyat olib borayotgan “Xusinboy-Qadamboy” fermer xoʻjaligida qoʻshaloq bayram shukuhi hukmronlik qilmoqda. “Til millat koʻzgusi” deb nomlangan tadbirga partiya faollari, deputatlar, mahalla faollari, paxta yigʻim – terimchilar ishtirok etishdi.

Zaynab Eshchanova, tadbir ishtirokchisi:

-Bugun paxta dalasidagi oʻzgacha shukuh har bir paxta yigʻim- terimchisiga zavq ulashdi. Fermer-xoʻjaligimiz belgilangan paxta normasini oshigʻi bilan bajargan boʻlsa, partiya faollarining yutugʻimiz hamda til bayrami bilan qutlab paxtazorga tashrif buyurganliklaridan boshimiz osmonga yetdi. Bayram dasturxoni yozilib, bir piyola choy ustida yutuqlar, ona tilimizning hayotimizdagi tutgan oʻrni, Oʻzbekistonimiz insonlari qadrlangan yurt ekani toʻgʻrisidagi suhbatlardan koʻnglimiz togʻdek koʻtarildi.Jozibador raqslar, kuy va qoʻshiqlar tadbir ishtirokchilariga bayramona kayfiyat ulashdi.Tadbir soʻngida faol paxta terimchilariga partiyaning esdalik sovgʻalari topshirildi.

Vohamizda bayram tadbirlari davom etmoqda.

                                                                                                  Zamira Abdullaeva,

“Adolat” SDP Xorazm viloyat Kengashi matbuot kotibi.