Qashqadaryoda aholi murojaatlari bilan ishlash holati qanday?

Mamlakatimizda Prezidentimiz boshchiligida odamlarni qiynab kelayotgan muammolar masʼul idoralar vakillari tomonidan oʻz vaqtida oʻrganilib zarur chora tadbirlar koʻrilyapti. Keyingi yillarda “Adolat” SDP ning barcha Kengashlari huzurida tashkil etilgan “Adolat qabulxonasi” ga ham fuqarolardan kelib tushayotgan murojaatlar partiya faollari, hamkor idoralar hamda deputatlarimiz tomonidan oʻz vaqtida oʻrganib. Odamlarning mushkuli oson etilyapti. Bu borada ayniqsa, partiyaning Kitob tuman Kengashida tashkil etilgan “Adolat qabulxonasi” faoliyatidan koʻpchilik fuqarolar mamnun boʻlishayotir.

Dildora Amirqulova Palandara MFY da yoshlar daftariga roʻyxatga kiritilgan. U “Adolat qabulxonasi” ga murojaat qilib , shartnoma asosida taʼlim olayotgani, kontrakt pulini toʻlashda jiddiy qiyinchiliklarga duch kelayotganligini bildirib, yordam soʻradi. Partiyaning tuman Kengashi raisi Najmiddin Toʻrayev , xalq deputatlari kitob tuman Kengashi deputati Muqaddas Murodova Dildora Amirqulovaning murojaatini oʻrganib chiqib, homiylarni jalb etgan xolda unga amaliy yordam koʻrsatadigan boʻlishdi.

“Adolat qabulxonasi” ning Gʻuzor tuman boʻlimiga joriy yilning oʻtgan oyida Mehnatobod MFY fuqarolari mahallaning ichki yoʻllarini tartibga keltirib, asfalt qilishga yordam berishlarini soʻrab murojaat qilishdi. Fuqarolarning ushbu murojaatlari asosida xalq deputatlari Gʻuzor tuman Kengashi deputati Shuhratjon Usmonov mahalladagi haqiqiy holatni oʻrganib, fuqarolar eʼtirozi oʻrinli ekanligini aniqladi. Shundan soʻng deputat tegishli tashkilotlarga deputatlik soʻrovi yubordi. Muammo hal etiladigan boʻldi. Ayni payda tuman yoʻlsozlari tomonidan mahallaning ichki yoʻllari tekislanib, obodonlashtirilayapti. Asfalt yotqizish uchun ichki yoʻllar tartibga keltirilmoqda.

Shodmon Eshboyev,

partiya faoli.