Quvasoyda “Adolat” SDP binosi foydalanishga topshirildi

Mamlakatimiz mustaqilligining 32 yilligi arafasida “Adolat” SDPning Quvasoy shahar Kengashi jamoasi oʻzining mustaqil binosiga ega boʻldi. Boisi, shahar deputatlik guruhi rahbari Muhsinjon Moʻsinov boshchiligida deputatlar homiylik koʻmagi asosida shahar markazida joylashgan bino mukammal taʼmirlandi, mebel jihozlari bilan jihozlandi va zarur targʻibot materiallari bilan bezatildi. Eng soʻnggi rusumdagi kompyuter jamlamalari bilan taʼminlandi.

Binoning foydalanishga topshirilish marosimi ham tantanali nishonlandi. Tadbir davomida “Adolat”SDP Fargʻona viloyat Kengashi rahbar va mutaxassislar, shahar va tuman Kengashi raislari va faollar ishtirokida seminar ham tashkil etildi.

Kengash raisi Dilobar Mirzayeva partiya faoliyatini yanada rivojlantirish yoʻlida olib borayotgan samarali ishlari oʻrtoqlashildi.  

Bayram shukuhi partiya jamoasi uchun yanada fayzli kechdi.

“Adolat” SDP

Farg’ona viloyat kengashi Matbuot zizmati.