“Salomatlik-tuman boylik”

Insonlarning sogʻlom tana aʼzolari but yaratilgani ham Parvardigorning ularga ato etgan neʼmatlaridandir. Hech bir insonda salomatlikdan-da muhim, sogʻlikdan koʻra koʻproq eʼtibor qaratiladigan neʼmatning oʻzi yoʻq. Donishmand xalqimiz “Salomatlik-tuman boylik” deb bejizga aytmagan. Aql-idrok sohibi boʻlgan har bir inson oʻz hayotini qadrlashi lozim. Inson uchun bebaho boylik-bu sogʻlik-salomatlikdir. Uni asrash esa har birimizga omonat qilib berilgan. Shuning uchun ham inson oʻz sogʻligʻini ehtiyot qilishi vojib amallardan hisoblanadi. Salomatlik haqida gapirar ekanmiz, salomatlik posbonlari, xalqning, jamiyatning haqiqiy jonkuyar,mehnatsevar Shifokorlari haqida soʻz yuritmaslikning imkoni yoʻq. Inson va uning hayotidagi ogʻir-yengil dardlar, xastaliklar borki, tibbiyot ham tobora rivojlanib, taraqqiy topib kelmoqda. Bugungi kunda yurtimizda olib borilayotgan yangidan yangi islohotlar natijasida, tibbiyot, qolaversa, juda koʻplab yoʻnalish va sohalarda ayollar mamlakatimiz Prezidenti tomonlaridan qoʻllab-quvvatlanyapti. Ayollarning tibbiyotda, xususan, jarrohlik amaliyotida va shifokor sifatida mavjudligi tarixning eng qadimgi davrlaridan kuzatilgan. XX asr boshidan beri dunyoning aksar mamlakatlarida xotin-qizlar tibbiy taʼlim olish imkoniyatiga egadirlar. Bugungi kecha-kunduzda fidoyi shifokorlar, mehribon hamshiralar koʻrsatayotgan jasorat va matonat tufayli minglab bemorlar shifo topib, hayot quvonchini qayta his etmoqda. Bu azaliy haqiqatga boshimizdan oʻtganiga hali koʻp boʻlmagan pandemiya sharoitida har birimiz qayta amin boʻldik. Hozirda 6 mingdan ziyod faol xotin-qizlardan iborat kadrlar zaxirasi shakllantirildi, manzilli ish olib borish uchun mutlaqo yangi tizim-“ayollar daftari” joriy etildi, oliy taʼlim muassasalari, texnikum va kollejlarda tahsil olayotgan xotin-qizlarning taʼlim kontraktlarini toʻlash uchun 7 yil muddatga foizsiz taʼlim kreditlari berildi, bundan tashqari, davlat oliy taʼlim muassasalarining magistratura bosqichida oʻqiyotgan barcha xotin-qizlarning kontrakt toʻlovlari qaytarish shartisiz qoplab berilyapti. Bugungi kunda “Adolat” sotsial-demokratik partiyasi ham ayollarning jamiyatdagi rolini oshirishni oʻz oldiga ustuvor vazifa sifatida belgilab qoʻygan.

-“Oʻzbekiston “Adolat” sotsial-demokratik partiyasi faoliyatining asosiy yoʻnalishlaridan biri xotin-qizlar huquq va manfaatlarini himoya qilish, ularning mehnat ularning mehnat qilishi, dam olishi hamda farzand tarbiyasiga zarur shart-sharoitlarni yaratishdir”,-deydi Adolat” SDP Siyosiy kengashi Markaziy apparati ayollar va yoshlarning siyosiy faolligini oshirish boʻlim boshligʻi R.Urmanova.- Bugungi kunda partiyamiz aʼzolarining yarmidan koʻpini xotin-qizlar tashkil etadi. Bu ularning fuqarolik faolligini oshirishga yoʻnaltirilgan keng koʻlamli ishlarning ifodasidir.

Shaxnoza Poʻlatova,

“Adolat” SDP Buxoro viloyat Kengashining “Ayollar qanoti” raisi.