Samarqand viloyatida navbatdan tashqari plenum bolib otdi

Xabaringiz bor, joriy yilda mamlakatimiz hayotidagi muhim siyosiy jarayonlar ostonasida turibmiz. Mazkur siyosiy jarayonlar oʻz navbatida siyosiy partiyalardan alohida faollik va tashabbuskorlikni talab etadi. Chunki, oʻtkazilishi rejalashtirilgan Oʻzbekiston Respublikasi Prezidentligiga saylovda, partiyalarning ishtiroki, ularning ilgari surayotgan gʻoyalari gʻoyat muhim ahamiyat kasb etadi. Xalq ishonchi, eʼtirofi namoyon boʻladi. Xoʻsh, ana shunday muhim jarayonda Oʻzbekiston “Аdolat” SDP Samarqand viloyat Kengashining ishtiroki qanday? Xalq ishonchini oqlash yoʻlida joriy yilning oʻtgan davrida qanday ishlar amalga oshirildi-yu, kelgusidagi rejalar qanday?

Oʻzbekiston “Аdolat” SDP Samarqand viloyat Kengashi tomonidan boʻlib oʻtgan navbatdan tashqari plenumida ana shu masalalar kun tartibida muhokama etildi. Plenumda partiyaning viloyat kengashi, mahalliy kengash deputatlari, partiya faollari hamda ommaviy axborot vositlari vakillari ishtirok etishdi.

Partiyaning viloyat Kengashi raisi Muhiba Bababekova soʻzga chiqib kun tartibidagi masalalar bilan tanishtirdi. Joriy yilning birinchi choragi davomida amalga oshirilgan ishlarni tanqidiy-tahlil qilib, kelgusida partiya oldida turgan ustuvor vazifalarga eʼtibor qaratdi.

“Adolat” SDP Samarqand viloyat Kengashi Matbuot xizmati.