Shukrona

Mamlakatimiz mustaqil davlat sifatida 32 yil davomida bosib oʻtgan yillar davlatimiz va xalqimiz hayotidagi ulkan oʻzgarishlar davri boʻldi. Eng avvalo milliy qadriyatlarimiz, urf –odatlarimiz qayta tiklandi, bebaho tariximizni aslicha anglash imkoniyati yaratildi.

Oʻzbekiston davlati va xalqining siyosiy-iqtisodiy, maʼnaviy- maʼrifiy sohalardagi salohiyatini dunyodagi eng rivojlangan davlatlar tan olgan holda har sohada hamkorlik rishtalari mustahkamlandi. Bir soʻz bilan aytganda, Oʻzbekiston dunyo eʼtirofidagi davlatlar qatoridan munosib oʻrin egallay oldi.

Oʻzbekiston “Adolat” SDP Fargʻona tuman Kengashi raisi N.Karimov, Xalq deputatlari Fargʻona tuman Kengashi deputatlari O.Dadajonova, F.Mirzaevlar bilan birgalikda tumandagi Maktabgacha va maktab taʼlimi boʻlimiga qarashli 3-sonli maktabida faoliyat olib borayotgan pedagoglar, mahalla faollari va ota-onalar ishtirokidagi uchrashuvda Yangilangan Konstitutsiya mazmun-mohiyati va “Oʻzbekiston — 2030” strategiyasining asosiy yoʻnalishlari xususida ham batafsil tushunchalar berib, vatan ravnaqi, xalq farovonligi yoʻlida amalga oshirilayotgan ulugʻvor islohotlar haqida soʻz yuritildi.

Uchrashuvda joriy yilda oʻtkazilgan Referendum hamda yangi tahrirdagi Konstitutsiyaga muvofiq oʻtkazilgan Prezidentlik saylovlari yana bir bor jamiyatimizning siyosiy yetukligi, Yangi Oʻzbekistonni barpo etish yoʻlida amalga oshirilayotgan islohotlarni xalqimiz tomonidan qoʻllab-quvvatlanayotganligining yorqin dalilidir. Samimiy kechgan muloqotda ishtirokchilar hayotidan mamnunligi va shukronalari bildirdilar.  

                                “Adolat” SDP

                              Fargʻona viloyat kengashi Matbuot xizmati.