Sifatli tibbiy xizmat

Oʻzbekiston Respublikasi Prezidentim Shavkat Mirziyoyev tomonidan sifatli tibbiy xizmatni aholiga yaqinlashtirish, xalqimizning sihat-salomatligi yanada yaxshilash, har tomonlama sogʻlom avlodni dunyoga keltirish va kamolga yetkazish kabi masalalar bot-bot uqtirilmoqda.

Bu borada Payariq tumanida qanday ishlar amalga oshirilmoqda, shular bilan tanishish maqsadida jamoatchilik nazorati tartibida oʻrganishlar olib bordik. Guvohi boʻldikki, bu borada ancha-muncha ishlar qilinmoqda. Jumladan, “Turkiston” oilaviy shifokorlik punktiga kelgan bemorlar ham bu yerdagi tozalik, ozodalik, oʻz kasbiga fidoyi shifokorlarining mehr bilan boqib turgan koʻzlaridan taskin topishadi. Hatto bu yerda bemorlar kunduz kuni yotib davolanishmoqda. Ukollarini beminnat olib, dori-darmonlardan shifo topishmoqda.

-Shifokorlik punktimizda hamma sharoitlar bor, bepul dori-darmonlar mavjud, “Fidokor”, “Bahrin” mahallalari va “Doʻstlik” mahallasining bir qismida yashayotgan aholiga, jami 11500 kishiga xizmat koʻrsatamiz, deydi punkt mudirasi Tozagul Hasanova,-3 ta oilaviy shifokorlarimiz, 27 ta hamshiralarimiz el xizmatida.

Xonalar toza-ozoda, kirgan odamning koʻngli ochilgudek, shuningdek, punktga kirish hovlisida gullar ekilgan, saranjom sarishta.

Azamat Tavboev,

Xalq deputatlari Payariq tuman Kengashi deputati.