Sifatsiz va qalbakilashtirilgan dori vositalariga qarshimiz!

Dorilar salomatlikni mustahkamlash va farovonlikni oshirishda katta rol oʻynaydi. Biroq, kerakli taʼsirni yaratish uchun dorilar xavfsiz, samarali, yuqori sifatli va oqilona qoʻllanilishi kerak. Samarasiz, sifatsiz va qalbakilashtirilgan dori vositalaridan foydalanish bemorlarning sogʻligʻini xavf ostiga qoʻyadi va sogʻliqni saqlash tizimi va rasmiy dori ishlab chiqaruvchilarga ishonchni susaytiradi.

Shu kabi muammolarni oldini olish maqsadi Oʻzbekiston “Adolat” SDP tomonidan ilgari surilgan “Sifatsiz va qalbakilashtirilgan dori vositalariga qarshimiz!” loyihasi doirasida Buxoro viloyat Shofirkon tuman markazida joylashgan bir qator dorixonalarda xalq deputatlari tuman Kengashi deputati Zulfiya Ashurova va masʼul xodimlardan tashkil topgan ishchi guruh tomonidan oʻrganish ishlari olib borildi. Oʻrganishdan asosiy maqsad dorixonalardagi dori vositalarning narxlari tafovuti hamda qalbakilashtirilgan va sifatsiz dori darmon vositalarini sotishga yoʻl qoʻymaslik fuqarolarning sifatli dori-darmon xaridini yoʻlga qoʻyishdir.

Mohigul Rahimqulova,

“Adolat” SDP Buxoro viloyat Kengashi matbuot kotibi.