Sirdaryo viloyati – 60 yoshda

Sirdaryo viloyatining tashkil topganiga 2023 yil 16 fevralda 60 yil toʻladi. Sirdaryo viloyati tashkil topilganligining 60 yilligi bayrami tadbirlarini keng nishonlash, goʻzal va saxovatli Sirdaryo zamini, uning boy va sermazmun tarixi, yuksak maʼnaviyati va madaniyati, jasoratli mehnati , hayoti va kelajakka boʻlgan ishonchini oʻzida aks etgan bu muhim sananing viloyatimizda keng nishonlash maqsadida Guliston shahar akademik litseyi faollar zalida “Adolat” SDP Sirdaryo viloyat Kengashi raisi J.Komilov, GDU ijtimoiy iqtisodiy fakulteti, tarix kafedrasi dotsentlari B.Toʻychiboev va S.Qudratov, Davlat boshqaruvi akademiyasi Sirdaryo hududiy filiali rahbari A.Shoimqulov , Guliston shahar akademik litseyi maʼnaviy-maʼrifiy ishlar boʻyicha direktor oʻrinbosari D.Qudratovlar ishtirokida “Sirdaryo viloyati tashkil topilganligining 60 yilligi” munosabati bilan tadbir tashkil qilindi.

Tadbirda GDU ijtimoiy iqtisodiy fakulteti, tarix kafedrasi dotsentlari B.Toʻychiboev va S.Qudratovlar Sirdaryo viloyati 1963 yilda tashkil etilgan boʻlsa-da, uning tarixi keyingi yillardagi amalga oshirilgan arxeologik qazilma ishlari,tarixiy yozma manbalar ,ilmiy tadqiqotlar natijasida, Sirdaryoni tarixi qadimiy ekanligi , hududimizdan Buyuk ipak yoʻli oʻtganligi ,xususan Koʻhna Xovos yodgorligi ochilishi ,Koʻhna yogʻochli Sardoba suv inshooti va Qadimgi Usturshona davlati Sirdaryo viloyati hududiga xam tegishli ekanligi toʻgʻrisida atroflicha tadbir ishtirokchilariga maʼlumot berib oʻtildi.

Tadbirni yanada foydali boʻlishi uchun Davlat boshqaruvi akademiyasi Sirdaryo hududiy filiali rahbari A.Shoimqulov tomonidan ishtirokchi yoshlar bilan trening oʻtkazildi,yoshlar Sirdaryo viloyati tarixi va potensiali yuzasidan savol–javob shaklida tashkil qilinib, yoshlar oʻzaro muloqotda faol ishtirok etishdi.

Litsey oʻquvchilari tomonidan Sirdaryo tarixi ,Boyovut ,Shirin ,Xovos kabi tuman va shaharlari tarixi aks ettirilgan videoroliklari va tarixi yuzasidan muhim maʼlumotlar bilan tadbirni yanada boyitishdi.

“Adolat” SDP Sirdaryo viloyat Kengashi raisi J.Komilov Sirdaryo viloyatining tashkil etilgandagi birinchi rahbari va keyinchalik kimlar va qancha muddatda rahbarlik qilganlar toʻgʻrisida maʼlumot berib oʻtdi.

Tadbir litsey oʻquvchilari uchun Sirdaryo viloyati tarixi yuzasidan boy maʼlumotlarga ega boʻlishlari bilan birga, shu yurt farzandi ekanligidan faxr va iftixor tuygʻularini oshishiga xizmat qildi.

“Adolat” SDP Sirdaryo viloyat Kengashi 

Matbuot xizmati.