Sirdaryoda “Hayot maktabi” dasturi amalda

Prezidentimiz raisligida yoshlar bandligini taʼminlash va boʻsh vaqtini mazmunli tashkil etish masalalariga bagʻishlab oʻtkazilgan videoselektor yigʻilishida maktab bitiruvchilarni kasb-hunarga oʻrgatish va ish bilan taʼminlashga qaratilgan “Hayot maktabi” dasturini amalga oshirish tashabbusi ilgari surilgandi. Sirdaryo viloyatida namuna sifatida Sirdaryo tumani 31-maktabda ana shunday maktab faoliyati yoʻlga qoʻyildi. “Adolat” SDP Sirdaryo viloyati Kengashi deputati S.Elmurodov,“Adolat” SDP Sirdaryo viloyati Kengashi raisi oʻrinbosarlari B.Abdullaevlar Sirdaryo tumanida tashkil etilgan maktab faoliyati bilan yaqindan tanishdi.

Maktab direktori Navbahor Bayqulova hamrohligida maktabda jihozlanish ,kasb-hunar oʻrgatishga moʻljallangan uskunalar bilan, yaratilgan sharoitlar bilan tanishtirdi.

Hozirda markazda 6 ta agronomiya, chorvachilik va veterinariya, gaz payvandlash va elektr montaj, qandolatchilik,qurilish ishlari, xizmat koʻrsatish, tikuvchilik yoʻnalishda kasb hunarga tayyorlash yoʻlga qoʻyilgan — deydi maktab direktori Navbahor Bayqulova, maktab bitiruvchi qizlarini non yopishga va pazandachilik oʻrgatish maqsadida maktab hovlisida tandir va qozon -oʻchoq qurilib qizlarga non yopish oʻrgatilayotganligi maʼlum qilindi.

Maktab direktori taʼlimning muhimligi, yoshlarga oʻqish bilan birgalikda hunar oʻrgatish, “Hayot maktabi” loyihasining bugungi kunda qanchalik muhim ekanligi haqida deputat bilan fikr almashildi.

“Adolat” SDP Sirdaryo viloyat Kengashi

Matbuot xizmati.