Taʼlim va tarbiya maskanlari deputat nigohida

Jamiyatimizga kerakli kadrlarni yetkazib berishning eng tub ildizi bu albatta va maktabgacha taʼlim muassasalarimizdir. Darhaqiqat, bugun har qanday sohada yetuk mutaxassis boʻlish uchun zamonaviy bilimlardan boxabar boʻlish, mamlakatimizda yuz berayotgan izchil islohotlarning tub mohiyatini yaxshi anglash zarur. Shunday ekan, eng avvalo, bugungi davr uchun munosib kadrlarni tayyorlashda maktab va bogʻchadagi taʼlim-tarbiyaga alohida eʼtibor qaratishimiz lozim. Agar har qaysi bolaga bugun yoshligidan yaxshi sharoit yaratib, kerakli bilimlarni berib borsak, u albatta, kelajakda oʻz Vataniga sodiq va yetuk mutaxassis boʻlib yetishadi. Axir elimizda “Yoshlikda olingan bilim — toshga oʻyilgan naqsh”, — deb bejizga aytilmagan.

Ammo hech bir soha kamchiliksiz boʻlmagani singari, Oliy Majlis Qonunchilik palatasi deputati Yelena Aleksandrovna Samarqand shahrida joylashgan 43-sonli ixtisoslashtirilgan davlat umumtaʼlim maktabida oʻrganish olib borganida maktabning yangi taʼmirdan chiqqaniga qaramasdan muassasaning bir qancha kamchilik va muammolari bilan yuzma-yuz keldilar. 

Ushbu jarayonda deputat maktab boʻylab barcha xonalarni aylanganida, maktab maʼmuriyati aynan maktabda biologiya, kimyo va fizika xonalari, u fanlarning ilmiy tadqiqotlari uchun laboratoriya xonalari yoʻqligi, bolalar sport maydonchasining asfaltlashtirilmaganli hamda rus sinflari uchun fan oʻqituvchilarining yetishmasligidan murojaat qilishdi. 

Deputat 51-son umumtaʼlim maktabida boʻlganida esa maktabda boshlangʻich sinflar uchun, yangi bino qurilganligi ammo ushbu maktab hududida ham sport maydonchasi, dars jarayoniga moslashtirilmaganligi va maktab bolalari soniga toʻgʻri kelmasligi, (kichkinaligi) hamda yozgi sportzalining ham kichikligi sababli dars jarayonida oʻqituvchilarga qiyinchiliklar keltirib chiqarayotganini aytishdi.

Kun oxirida Samarqand shahrida joylashgan 48-sonli maktabgacha taʼlim muassasasida boʻlgan deputat, muassasaning yangi taʼmirdan chiqqanligiga qaramasdan, koʻplab kamchiliklarga duch keldi. Aynan muassasaga kirishning oʻzidayoq oyoq osti pollarining koʻtarilgan holatlariga koʻz tushishi koʻngilni xira qiladi. Buning asl sababi surishtirilganida esa, bogʻcha binosi orqasida joylashgan mahalla xonadonlarining tarnov qismi bogʻcha hovlisiga qaratilganligi ekan, hamda aynan bino tagiga oqayotgan suv, muassasada namlik yuqoriligiga sabab boʻlib, pollarining koʻtarilishiga olib kelinmoqda ekan. 

Har qaysi tashkilotning yongʻin xavfsizlik mashinasi kirib chiqishi uchun alohida yoʻli boʻlishi kerak, ammo jarayonda ushbu bogʻchaning orqa hovlisi tomonidan kirish qismi va asli bogʻcha hududidan boʻlgan bir necha (km) qismni mahalla fuqarolari tomonidan oʻzlashtirib olingan va sim devor bilan noqonuniy oʻrab olishgani ayon boʻldi.

Ushbu kamchiliklar va muammolarni bartaraf etilishi yuzasidan deputat Yelena Aleksandrovna oʻz vakolatidan kelib chiqqan holda kerakli tashkilotlarga deputatlik soʻrovlari yubordi va ayrim muammolarni joyida hal etilishiga erishgan holda, mavjudlarini amaliy hal etilishini oʻz nazoratiga oldi.

Mohina Abdiraximova,
“Adolat” SDP Samarqand viloyat Kengashi
mutaxassisi.